Esti ye un llibru de Llucía Fernández Marqués, con dibuxos perguapos de Susi G. Nel podemos alcontrar la hestoria de Grandelina, una princesa que nun ye nin alta, nin mui guapa... Ye namás que normaluca y ¡lo que faltaba! El so meyor collaciu ye un dragón.

Una hestoria que recomendamos pa toos, los más pequeños y los mayores.

Xargu, el pescador, acaba pescar un pulpu grandísimu... Sería una noticia curiosa si nun fuera qu'al poco Xana alcuentra un centollu xigante. ¿Qué ta pasando? Hai qu'investigar y pa ello Quique y Quecu cuenten cola estupenda ayuda del Capitán Cornetín. ¿Esi bidón que flota na mar tendrá dalgo que ver en too esto?

Una nueva aventura de los detectives aficionaos, Quique y Quecu. El testu y los dibuxos son d'Enrique Carballeira.

Goyo recibe un día un mensaxe del padre, al que contaba muertu, onde-y pide ayuda. Asina empieza la gran aventura, la busca d'un llugar que llamen fontenebrosa y la llucha pola propia llibertá y pola lliberación d'un pueblu .

Una novela xuvenil apasionante, que ye too un clásicu de la nuesa lliteratura. El textu ye de Vicente García Oliva, ún de los escritores asturianos con más llibros espublizaos, y los dibuxos d'Alberto Álvarez Peña.