Los qu'embaxo firmen, asturianos d'estremaos ámbitos de la vida social y cultural, constatando qu'Asturies ye una comunidá trillingüe onde coesisten el castellanu, l'asturianu y el gallegu -llamáu tamién gallego-asturianu, dientro la zona Navia-Eo-, y aceptando qu'esta pluralidá tien que se reconocer a tolos efectos, respetando les opciones llingüístiques de les persones, dirixímonos a la sociedá en xeneral y a los nuestros representantes políticos en particular pa esponer lo que vien:

-Que l'asturianu o bable ye una realidá llingüística que forma parte de les vivencies y de la cultura de miles de ciudadanos d'esti Principáu, y por eso nun hai que dexalu a un llau, nin facelu de menos nin ocultalu.

-Que l'asturianu, siendo patrimoniu cultural de tolos ciudadanos y ferramienta comunicativa d'una parte de la sociedá, padez sin embargu una situación de precariedá tala, que fai dudar de la so continuidá futura como una de les llingües d'España.

-Que les persones que falen o usen l'asturianu, actual o potencialmente, tienen unos derechos llingüísticos que la Constitución Española reconoz ensin averalos a nenguna orientación ideolóxica, pero que, sin embargu, ampárense perpoco o nada na actual situación.

-Que ye imprescindible, al envís de garantizar la continuidá del nuestru patrimoniu llingüísticu y los derechos llingüísticos de los ciudadanos, que s'afite na sociedá asturiana un mínimu consensu democráticu sobre la llingua autóctona, pa lo que fai falta que dende ámbitos institucionales, gubernamentales o culturales se dexe de considerar l'asturianu como materia de discutiniu ideolóxicu nacionalista o de cualquier otra mena.

-Que los mentaos derechos llingüísticos han entendese nellos mesmos y non arreyaos a planteamientos de tipu doctrinariu nin a actitúes sectaries, lo que contribúi a la confusión ente la ciudadanía y ye una de les torgues que dificulten el llogru d'un consensu sobre la materia.

Asina entós, los qu'embaxo firmamos pidímos-yos a los representantes políticos del Principáu d'Asturies, col so Presidente a la cabeza, que, faciendo un esfuerzu de seriedá pa superar una situación impropia d'una sociedá democrática, y siempre col más axeitáu respetu a les opciones de los ciudadanos, tomen la iniciativa y entamen -acordies cola llexislación vixente y la que nel so casu s'estableciere- les actuaciones oportunes pa dexar asentáu un consensu mínimu, políticu y social, qu'ofreza garantíes de futuru al asturianu como patrimoniu cultural y a los derechos de les persones que, sin nengún pilancu llegal o moral, quieran usalu, disfrutalu o tresmitilu a les xeneraciones vinientes.

ESTI DOCUMENTU PROMUÉVENLU: Ramón de Andrés Díaz [Profesor de Filoloxía na Universidá d'Uviéu], Alfredo I. Álvarez Menéndez [Profesor de Filoloxía na Universidá d'Uviéu], Álvaro Ruiz de la Peña Solar [Profesor de Filoloxía na Universidá d'Uviéu], Juan Carlos Villaverde Amieva [Profesor de Filoloxía na Universidá d'Uviéu], José Luis Atienza Merino [Profesor de Didáctica na Universidá d'Uviéu], José Manuel Pérez Fernández [Profesor de Derechu na Universidá d'Uviéu], Xuan Cándano [Periodista].

ESTI DOCUMENTU SUSCRÍBENLU: José Manuel Agüera Sirgo [Economista], Faustino F. Álvarez [Periodista], Daniel Amieva Villa [Xugador del Real Uviéu], Esteban Andrés Suárez [Xugador del Real Uviéu], Manuel de Andrés Fernández "Mánfer" [Escritor], Iván Ania Cadavieco [Xugador del Real Uviéu], Severino Antuña González [Maestru], Pablo Ardisana [Escritor], Rafael Avello [Periodista], Fulgencio Argüelles Tuñón [Escritor], Javier Barón Thaidigsmann [Historiador del arte], Javier Bauluz [Fotoperiodista], Xuan Bello Fernán [Escritor], Antonio de Benito López [Realizador y técnicu de soníu], Vicente G. Bernaldo de Quirós [Periodista], Enrique Bueres [Periodista], Xuan C. Busto Cortina [Profesor de Filoloxía na Universidá d'Uviéu], Carmen Cantón [Artista plástica], Ángeles Caso [Escritora], Enrique Castro González "Quini" [Delegáu del Real Sporting], José Luis Cienfuegos [Profesional], Roberto Corte Martínez [Director de teatru], Francisco Crabifosse Cuesta [Historiador y críticu del arte], Adolfo Camilo Díaz [Xerente de la Fundación de Cultura del Conceyu de Corvera], José Rubén Espiniella Castro [Periodista], Francisco Álvarez González [Periodista], José Feito Fernández [Auditor de cuentes], Javier Felgueroso Carrascal [Arquitectu], Francisco Felipe [Artista], Tito Fernández [Director de cine], José Luis Fernández Álvarez [Ilesia Evanxélica d'Asturies], José A. Fernández-Castañón [Museólogu], Xosé Antón Fernández Martínez "Ambás" [Gaiteru], Ramón Fernández Rañada [Arquitectu urbanista], Carlos Fernández del Valle [Productor audiovisual], Federico Fierro Botas [Sacerdote xesuita], Sandra Gallo [Artista plástica], José Ramón García Fernández [Capellán del Hospital Xeneral], Justo José García Fernández [Escultor], José Luis García Martín [Escritor], Benito García Noriega [Editor], Vicente García Oliva [Escritor], Víctor García Oviedo [Arquitectu], Elías García Sánchez [Músicu de Llan de Cubel], Fran Gayo [Músicu], Juan María Gastaca Sobrado [Periodista], Carmen Gómez Ojea [Escritora], Xurde González [Artista], Ricardo González Bango [Xugador del Real Uviéu], Lluis Antón González Fernández [Actor], Ricardo González Mojardín [Artista], Sergio Boris González Monteagudo [Xugador del Real Uviéu], Mario Gutiérrez Cotelo "Mario" [Xugador del Real Sporting], José Ángel Hevia Velasco [Gaiteru], Inaciu Iglesias [Empresariu y editor de Les Noticies], Iván Iglesias Corteguera [Xugador del Real Uviéu], Jaime Jordán de Urries [Xugador del Real Uviéu], Manuel Lafuente Robledo [Economista], Juaco López Álvarez [Director del Muséu del Pueblu d'Asturies], Marcos López Fernández [Músicu de Llan de Cubel], Carlos López Gutiérrez [Director del Centru de Profesores de Xixón], Luis Mangas Villa [Xeógrafu], Adolfo Manzano [Escultor], Pedro Alberto Marcos [Periodista], Emilio Marcos Vallaure [Museólogu], Pablo Antón Marín Estrada [Escritor], Lara Marqués Álvarez [Médica], César Martín Villar [Xugador del Deportivu de La Coruña], José Antonio Martínez [Profesor de Filoloxía na Universidá d'Uviéu], Ramón Martínez Muñiz [Montador de TV], María Antonia Mateos Martínez [Periodista], Manuel Maya Conde [Director d'El Oriente de Asturias], Herminio Menéndez [Profesional llibre], Alfonso Xosé Mielgo Rodríguez [Músicu de Llan de Cubel], María Elvira Muñiz [Catedrática xubilada de Lliteratura], Xuan R. Muñiz [Músicu de Llan de Cubel], Ángeles Muñiz Cachón [Realizadora], Ánxel Nava [Escultor], Javier Neira Estrada [Periodista], Carlos Novoa [Periodista], Hugo O'Donnell Fernández-Corugedo [Pintor], Fernando Ornosa Fernández [Folclorista], Andrés Osoro Hernández [Profesor de Secundaria], Eladio de Pablo López [Dramaturgu], Francisco Pañeda [Periodista], Alberto Pardo Bustillo [Director de la revista Cabrales; guionista y realizador], Xuan Pedrayes Obaya [Arquitectu], J. Paredes [Pintor], Xel Pereda Fernández [Músicu de Llan de Cubel], Carlos Ponte Mittelbrun [Médicu], Andrés Presumido Martínez [Director de teatru], Elena de la Puente [Fotógrafa], Inmaculada Quintanal [Catedrática de Música], José Ramón L. Patterson [Periodista], Francisco Prendes Quirós [Abogáu], José Antonio Quirós [Cineasta], Marta Reyero [Periodista], Senén Rivero [Xeógrafu], Antonio Rodríguez [Abogáu], Maxi Rodríguez [Director y actor de teatru], Alejandro Rodríguez Alonso [Sacerdote y profesor del Seminariu], Iván Rodríguez Ramos [Artista y profesor de Secundaria], José Manuel Rodríguez "Chéfor Rad" [Periodista], Julio Rodríguez Fernández [Rector de la Universidá d'Uviéu], María Jesús Rodríguez López [Escultora], Miguel Rojo [Escritor y biólogu], Pilar Rubiera Alonso [Periodista], José Luis Rubiera Fernández [Periodista], Carmen Ruiz-Arias [Escritora], David Sánchez Cano [Xugador y capitán del Real Sporting], Manuel Sánchez Murias "Manolo" [Xugador del Real Sporting], Bernardo Sanjurjo [Pintor], Adolfo Saro Herrero [Profesional], Carlos Sierra [Pintor], Cristina de Silva [Artista visual], Pedro de Silva Cienfuegos-Jovellanos [Abogáu y escritor], Santiago Somoza Pardo [Maestru], Rubén Suárez del Río [Xugador del Real Uviéu], Corín Tellado [Escritora], Paloma Uría [Profesora de Lliteratura], José Uría Ríos [Profesor d'Historia], Inmaculada Urzainqui Miqueleiz [Directora del Institutu "Feijoo" d'Estudios del Sieglu XVIII], Maximiano Valdés [Director de la Orquesta Sinfónica del Principáu d'Asturies], Cristina del Valle [Cantante], José María Valle Castro [Ciruxán cardiacu], Pelayo Varela [Artista plásticu], Juan A. Vázquez [Catedráticu de la Universidá d'Uviéu], Nacho de la Vega [Fotógrafu], Javier Vidal García-Sánchez [Ex-Conseyeru del Conseyu Rexonal d'Asturies], Xulio Viejo Fernández [Profesor de Filoloxía na Universidá d'Uviéu].