Academia de la Llingua Asturiana

L'Academia de la Llingua Asturiana celebra el vienres día 4 nel Teatru campoamor d'Uviéu el XXII Día de les Lletres Asturianes. Na columna de la drecha puedes echa-y una güeyada a los actos que l'Academia tien previstos pa esi día.

La Selmana de les Lletres de la Conseyería de Cultura

La Conseyería de Cultura tien un ampliu programa pa la XXI Selmana de Les Lletres Asturianes, que ta dedicáu a Emilio Robles Muñiz, Pachín de Melás, del que puedes lleer equí una reseña histórica. Asturies.com ufiertate'l programa completu d'actividaes que van allargase hasta'l mes de xunu.

Día del llibru Asturianu n'Asturshop

Asturshop, la mayor tienda electrónica de productos asturianos, súmase a les celebraciones del Día del llibru Asturianu esti 4 de mayu. Esi día toles persones que merquen un llibru n'asturianu n'Asturshop van recibir cola so compra un exemplar de baldre del llibru "Pachín de Melás y el Rexonalismu Asturianu" , nel que apaecen estudios sobre la obra del autor y el so contestu históricu na Asturies de primeros del sieglu XX. La ufierta va mantenese hasta acabar esistencies.

Manifestación de la Xunta pola Defensa de la Llingua Asturiana

La Xunta pola Defensa de la Llingua Asturiana entama, como tolos años, la so tradicional manifestación que va tener llugar n'Uviéu a les 7 de la tarde nel Paséu de los Alamos. Esti añu'l so lema va ser "Por una escuela n'asturianu". La manifestación pasa pel centru d'Uviéu pa dir a acabar énte'l Teatru Campoamor a la hora del actu académicu.

Les escueles de Xixón celebren el Día de les Lletres

Yá entamaron en Xixón les Xornaes de Llingua y Cultura asturiana que coincidiendo cola Selmana de les Lletres Asturianes van llevar a los colexos de la Villa de Xovellanos actividaes rellacionaes cola nuesa llingua y Cultura. Na páxina de llingua asturiana d'Asturies.com puedes atopar más información d'estes actividaes.