|  Bienveníos al espaciu de la llingua
Asturies.com ofrezte, en
collaboración con Ramón d'Andrés y
Espaciu y Tiempu,
información sobre l'actualidá y les novedaes lliteraries
referíes a la llingua asturiana. Si tienes dalguna información
que crees que paga la pena que seya conocida
escribi.
|
| Tres
curtios n'asturianu nel Festival de Cine de Xixón
26/11/99 (Redacción Asturies.com)
Malu de Ramón Lluís Bande y Nun val la pena conquistar
la Tierra y Hestoria d'un vezu son los tres curtiometraxes que se
presantaron n'asturianu el Día d'Asturies de la 37 Edición del
Festival de Cine de
Xixón.
|
| Campaña por una TV n'asturianu dafechu
26/11/99 (Redacción Asturies.com)
La Xunta pola Defensa de la Llingua ta recoyendo firmes por una TV n'asturianu
dafechu. Esta campaña faise ente l'anunciu del gobiernu asturianu de la
puesta en marcha d'una canal autonómica asturiana. El lema ye "La
televisión ye asturiana si ye n'asturianu".
|
| II Cursu
de formación de la Xunta pola Defensa de la Llingua
26/11/99 (Redacción Asturies.com)
Esta fin de selmana van facese nel albergue de Llanes Llanes los II
Cursos de Formación de la Xunta pola Defensa de la Llingua Asturiana y
Xunta Moza dirixida a militantes y simpatizantes d'entrambes organizaciones
hermanes. Los temes a tratar nestes xornaes son la planificación
llingüística, la TV, l'asturianu na Universidá, l'asturianu
nos conceyos y el gallego-asturiano. Los cursos van tener una parte teorica
puesta polos profesores Fernando Álvarez-Balbuena, Xose Miguel Suarez y
David Guardado, a lo que siguirá una parte práctica de trabayu na
planificación de campañes de la Xunta. Pa más
información puedes escribir a la Xunta,
|
Milio Cueto doble ganador
del Fuertes Acevedo y Xuan María Acebal
19/11/99 (Redacción Asturies.com)
Milio R. Cueto foi el ganador del Premiu Fuertes Acevedo d'ensayu
n'asturianu, el mesmu autor tamién algamó, ex-aequo con
Martín Lopez Vega, el premiu Xuan María Acebal de poesía
na nuestra llingua.
|
| ...y el
Antonio García Oliveros ye pa Llibros del Pexe
19/11/99 (Redacción Asturies.com)
El premiu d'edición n'asturianu foi esti añu pa llibros
del Pexe. Tamién algamó un premiu la Editorial Trabe y en tercer
llugar foi premiada Editora del Norte
|
| Hevia
lleva'l Premiu Andrés Solar del añu 1999
19/11/99 (Redacción Asturies.com)
Y siguimos con premios. La Xunta pola Defensa de la Llingua Asturiana de
Xixón decidió apurri-y el Premiu "Pegoyu" a la persona
o institución que más fai pola llingua a lo llargo del añu
al gaiteru Hevia. La madreñona de purpurina foi pal MEC pola so
política d'escolarización del asturianu.
La ceremonia d'entrega sedrá pal día 17 d'avientu, dependiendo de
la disponibilidá del premiáu.
|
| Cursos de
llingua en Llión 19/11/99 (Redacción
Asturies.com) Conceyu Xoven, Facendera pola Llingua y La Caleya,
entamen los prósimus díes 19, 20 y 21 de payares de 1.999 les I
XORNADAS LLÏONESAS D'ESTUDIUS LLINGÜÍSTICUS nos que se van
poner dos cursos; Sociollingüística hestórica de la
Llingua Llïonesay el sou domiñuy Afondamientu na normativa
de la Llingua Llïonesa. Pa más información y
inscripciones podéis ponevos en comunicación per Internet con
Conceyu Xoven o
Facendera pola Llingua.
|
| Más de 60 persones en llingua-list
19/11/99 (Redacción Asturies.com)
Los responsables de
llingua-list
infórmennos de que la convocatoria del
cursu
d'asturianu on-line fixo que na última selmana sta llista de
distribución dedicada a cuestiones llingüistiques pasare de 40 a 60
persones.
|
Xandru Fernández
gana'l Xosefa Xovellanos 12/11/99
(Redacción Asturies.com) La Conseyería de Cultura
concedió'l Premiu Xosefa Xovellanos de novela na edición del
añu 1999 a Xandru Fernández. L'escritor y profesor de
filosofía ye la segunda vegada que gana esta premiu. La obra premiada ye
El suañu de los páxaros de sable. Ana Rodríguez
Navarro, Directora Xeneral de Cultura, foi la presidenta del xuráu, nel
que tamién taben Antón García Fernández y Pablo
Antón Marín Estrada (últimos ganadores ex-aequo del
premiu), y los profesores universitarios José antonio Martínez
Gracía y Álvaro Ruíz de la Peña Solar completaben
el xuráu como vocales.
|
| Nueva
edición del cursu d'asturianu 12/11/99La base de datos
llingüística Espaciu y
Tiempu pon en funcionamientu la tercer edición del cursu d'asturianu
on-line. Esta vegada la xente que quiera siguir el cursu va facelo a
través de llingua-list. una llista de distribución
especificacmente pensada pa falar de cuestiones llingüístiuques
asturianes. Si quies más información puedes dir a la
web del cursu.
|
| Xornaes
de la Xunta en Mieres 12/11/99 (Redacción
Asturies.com) La Xunta Pola Defensa de la Llingua Asturiana y Xunta Moza,
acabante refundase en Mieres el pasau mes d'ochobre, entamen la so llabor con
unes xornaes de formación/ información el prósimu
Sábadu 13 de payares. El progama ye'l siguiente: 11:00
Hestoria de la Llingua Asturiana por Fernando Alvarez Balbuena, 12:30
Normalización por David Guardado, 15:00 Xinta en Requexo,
17:00 Llingua y pueblu por Faustino Zapico Les charles son nos salones
de La Pista'l Gym na Cai'l Viciu (Calle la Vega) en Mieres
|
| Francia
nun firma la carta Europea 12/11/99
(Ramón d'Andrés/ Redacción Asturies.com) Francia
niégase a ratificar la Carta Europea de Llingües Minoritaries y
Rexonales, firmada nel sen del Conseyu d'Europa, fechu que supón Esto
sería un atrasu pal tratamientu llegal de toles llingües de la
Comunidá Europea.
En Francia hai una verdadera campaña pa que Francia firme y ratifique.
Na dirección
http://assoc.wanadoo.fr/identite.bretonne/identite-bretonne/charte/fr-petiti
on.html pue atopase una muestra d'esta campaña.
Pela so parte, anque l'Estáu Español firmó la carta, esta
concúlcase sistematicamente n'Asturies.
|
| Premiu
Dámaso Alonso a un estudiu sobre l'asturianu
12/11/99 (Redacción Asturies.com)
El próximu día 16 de payares tendrá llugar nel Conceyu de
Ribadeo la entrega del premiu que tien los datos que se detallen darréu.
Apurrirálu'l Rector de la Universidá de Santiago de Compostela.
El Premiu ye'l I Premio Dámaso Alonso de Investigación
Filológica, premiu a una obra d'investigación inédita
convocáu añalmente pola Universidá de Santiago de
Compostela, el Conceyu de Ribadeo (Galicia) y el Grupu Voz.
L' estudiu premiáu ye " El morfema de neutro de materia en
asturiano" del asturianu Álvaro Arias Cabal; y ta dotáu con
diploma, dotación económica (1.000.000 ptes.) y
publicación del trabayu.
Prevése qu'al actu acudan los presidentes autonómicos Galicia y
Asturias, aprovechando el 'cume' que van facer neses feches en Taramunde
(Asturies).
|
Hevia recibe'l Premiu
Amigo 5/11/99 (Ramón d'Andrés) El
músicu asturianu José Manuel Hevia recibió'l Premiu
"Amigo" al artista revelaciónque concede añalmente...
Reconozse asina'l llabor d'un profesional que va cuantayá
qu'apostó pol trabayu bien fechu y pola innovación nel panorama
de la música popular asturiana. El so discu "Tierra de nadie"
foi ún de los más vendíos nel mercáu
español. Hevia, que siempre foi un defensor de la llingua y la
identidá asturianes, subió al escenariu p'agradecer l'esfuerzu de
los sos collaboradores, amigos, familiares y, cómo non, de la so
collacia Cristina del Valle. Nun tuvo reparu n'espresase en llingua asturiana
en dos ocasiones, cuando dixo "gracies, bones nueches" y cuando-y
dedicó'l Premiu a so güela, diciendo "güela, esti premiu
ye dafechu tuyu". Un xestu que lu honra y qu'afita les simpatíes
que yá tien n'Asturies, que son permunches.
|
| Esposición La llingua de Papel
5/11/99 (Redacción) La
Fundación Belenos entama en collaboración col Conceyu de Mieres
la esposición La Llingua de papel na que se fai un recorríu de
cartelismu n'asturianu nos últimos 25 años.
|
|
|
