Sergio Arce y Asturies.comofrécente diverses informaciones sobre la gaita y la percusión asturiana. Sergio Arce, xunto col so hermanu Pablo, son pioneros na difusión na rede d'información sobre la gaita y la percusión asturiana. El so web lllevó'l premiu del Bagpipe Web Directory a la meyor páxina sobre esti instrumentu nel añu 2000 .

Entra dende equía les noticies d'actualidá sobre'l mundu de la gaita: Nuevos discos, entrevistes etc
Tamién tienes disponible la páxina de la gaita en castellanu, inglés y francés.
Puedes dexar los tos mensaxes nesti llibru de visites o lleer lo qu'otros dixeron sobre estes páxines.

10/5/2001 Manolo Durán ye ún de los más populares percusionistes d'Asturies. El so pasu pol grupu Lliberdón, el so llabor al frente de El Tambor de l'Abadía y el trabayu que tien fechu como docente acredítenlu como una persona más que indicada pa falar sobre l'estáu de les bandes de gaites y la percusión n'Asturies. Esta ye la entrevista que caltuvieron con elli Sergio y Pablo Arce va pocos díes en Mieres.

¿Cómo ves el panorama de los tamboriteros en Asturies?
Meyoróse muncho, los tamboriteros actuales nun tienen na qu'envidia-yos a los antiguos. Nel tornéu Ciudá d'Uviéu pueden vese pareyes que nun desmerecen pa na les vieyes glories, hai dellos qu'hasta son meyores, anque queda muncho por facer, entovía tamos entamando. Hai xente que confunde toques tradicionales colos de caxa y hai que saber estremar unos d'otros, y tocar cada cosa nel so momentu

Comparándonos coles bandes gallegues que participen na Lliga Gallega...
En Galicia hai xente mui buena, hai bandes como Cea que son mui bones en percusión, otres como Zuncurrundullo nun lleguen a tanto, pero compensen eso metiendo más instrumentos y más variaos. NAsturies nun tamos tan lloñe y nun nos saquen tanto como puede creese, anque la competencia qu'hai ellí lleva a meyorar muncho día tres día y n'Asturies hai xente que tamen-y queda muncho.

¿A nivel de bandes en xeneral?
Tamién, nun nos saquen tanto anque ellí hai más cantidá de xente de bon nivel, porqu'amás tamién son más población.

¿Qué puedes decinos sobre la futura Lliga de Bandes?
Que ye una cosa que m'abulta que fai falta. Dimos con rempuestes diferentes, de xente muy receptivo y de senté que nun-y daba más por ello. N'Escocia hai dos clases de canciones: les de concursu y las de "Street" o marches, pa equí, por qué van machacate con una canción difícil que naid nun va agradecete si tocando un xiringüelu o paquito el chocolatero te van a aplaudite más. Por eso parezme qu'una lliga fairía esforzase a les bandes. N'Escocia nacieron nos años 50 y puedo decite que si nun llega a ser por eses lligues agora namás habría unos pocos gaiteros aficionaos y otru par d'ellos nel exércitu, en Galicia entamaron va unos 10 años y puedes ver el númberu y la cálida que tienen. Equí cuido que fai falta, y pa evitar problemas, pal primer añu van traese xueces competentes de la Lliga Gallega, pa que seyan imparciales: xente de la Real Banda y del McAllan Gallegu.
L'Ayuntamientu de Xixón apoyonos bastante y a la fin va facese nel Pueblu d'Asturies de Xixón, porque ParqueAstur ofrecíanos bien de perres, pero nun nos daba el espaciu y el silenciu que faen falta pa una competición. Si salir sal bien, la lliga llevaríase pel restu d'Asturies. Hay xente que nun-y presta esto, y yo namás y-os digo que esto ye voluntario y qu'equí vien el que quier. Equí mandose una carta a toles bandes que conocemos y contamos con tener ente 12-16 bandes que vengan a participar. Una cosa qu'animonos bastante a seguir foi qu'esto recibiéronlo meyor fuera que dientro d'Asturies y cuento que col tiempu esto salga p'alante porque parezme que lo necesitamos.

Equí tienes dellos links sobre la gaita en tol mundu.