Lluis Álvarez, tamién conocíu pol alcuñu de Lluis Texuca, nació en Sama, Llangréu, en 1948. Estudiónes Universidaes de Valencia y Uviéu; nesta última entró nel departamentu de Filosofía cuando lu dirixía Gustavo Bueno, dedicándose sobre too a Filosofía del Llinguaxe, Estética y Filosofía del Arte, disciplinesnes que Lluis Álvarez tien delles publicaciones notables. En 1977 collabora na fundación de la SociedáAsturiana de Filosofía (SAF).

N’asturiano tien nel so haber dos llibros, ún de poesía:Poemes y tornes (l990) y otru d'ensayu: Diálogu de Pumarín y otros trabayos de razón local(1999). Texuca fue ún de los entamadores del grupu Conceyu Bable en 1974. Dende los sos primeros artículos publicaos narevista Asturias Semanal, a mediaos de los años setenta, vien ocupándose de temes reacionaos cola identidá cultural del País Astur en diversos trabayos. Ye académicu de la llingua dende la fundaciónd’esta institución en l98l.

En Poemes y tornes amuesa una poética que bebe del celtismu de Yeats y de les elexíes de Rilke pa componer un discursu estéticu de fonda intensidá emotiva y d’una rica espresividá llingüística. Les versiones d’autores tan estremaos como Shakesperare, Robert Graves, Salvador Espriu y Carmen Conde, que completen esti llibru, sirven tamién de guía de los gustos poéticos de Lluis Texuca.