Gastronomía
La selmana santa carauterizase, en tola Cristiandá, por lliturxes
d`ayunu y/o vixilia.
N'Asturies esta visión entama a perdese pasu ente pasu pero
entá son munches les cases nes que se respeta la tradición. Estes
costumes gastronóminques valen pa tola Cuaresma, pero sobremanera pa
estes feches. Esta ye la razón pola que los platos y comides d'esti
tiempu tienen toes elles el mesmu calter: nun llevar carne, nin grases
d`animal, ensin sangres, en dengún de los sos ingredientes.
Los más d`ellos son platos y recetes que puen valir en cualquier
momentu del añu, pero que nesti tiempu repítense con especial
ciñu.
El roscu, bollu o pegarata ye l'obsequiu qu'el padrín-y apurre al
afiáu o afiada: Según les zones d'Asturies esti ye duce o
cenciellamente de pan. D'otru llau inda se recuerda en dellos llugares el dichu
de
Domingo de Ramos
Panizos comiamos
Con lleche o sin lleche
Allá los tengamos
El panizu, que ye señaláu como platu típicu de selmana
santa, nun yera otro que maíz que s'acompangaba con lleche.
Vamos dar entós, dos menús qu'incluyen delles recetes, de
dalgunos llugares d`Asturies unes, y otres que s'alcuentren espardíes
per tola xeografía del Principáu, de platos y comides que se
facíen y faen per esti tiempu dientru de la Gastronomía Asturiana
del ciclu de la Selmana Santa.
A títulu anecdóticu podemos tamién falar de curiosidaes
casique escaecíes n'actualidá comu l`antañu famosu
Boroñu de Truches, que se facía en conceyos comu Llaviana, un
boroñu (masa de pan principalmente de maíz), qu`en cuenta dir
rellenu de carne diba preñáu de truches.
¡Bon provechu y que preste la llacuada!
MENÚ 1
| FABES CON BACALÁU |
PANCHÓN |
| INGREDIENTES (Pa cuatru persones ) :
2 Kilos de Fabes
2 Kilos de bacaláu
8 o 10 cuyaraes d'aceite
2 dientes d'ayu
1 cebolla pequeña.
1 ramín de perrexil.
Fariña pa rebozar el bacaláu.
Un poquiñin d'azafrán.
|
INGREDIENTES:
Escanda o dalgún sustitutu. |
| IGUA: Pónense les fabes a remueyu pela nueche. A
otru día pónense a cocer con agua frío (que les cubra
dafechu). Siempre que seya mester y lo precisen échase-yos más
agua frío (cuecen nuna hora y media).
Ye mester poner tamién el bacaláu en remueyu: Pero 48 HORES
ENANTES Y CAMBIÁNDO-Y L'AGUA 3 o 4 vegaes. Depués nel so momentu
sacase del agua y sécase con un pañu. Lluéu
enfaríñase, pasase pela fariña y vase friendo pa
depués dir echándolo a les fabes.
Nel aceite colao fríese l'ayu y la cebolla picao bien menudo.
Échase-y el perrexil y, si se quier, una cuyarada pimentón.
Echase lluéu nes fabes y el bacaláu y déxase ferver
poquiñín a poco unos quice minutinos.
Receta de Carolina Morán
García
|
IGUA: Panchón ye comu se conoz na zona d'Allande y otros llugares
de la comarca suroccidental asturiana a una masa que se fai con fariña
d'escanda (Triticum Spelta), cereal que yera d'antiguo mui semao per bona parte
d'Asturies, especialmente en conceyos de montaña.
A esta fariña echábase-y agua y sal, quedando una pastia que
había endolcase nunes fueyes de berza.
Na cocina tradicional asturiana esti compuestu tenía que se calentar
ente ente seis y ocho hores ente les áscuares y rescaldos de la llume
del llar.
Na cocina moderna, en cuenta del llar, pue metese unos minutinos en fornu...
Depués desmigáyalo y les migayes pues meceles con mantega
derritío. Tamién pues echa-yos depués zúcare o miel
pa enduzalo
Y si nun tienes escanda pues prebar con maíz. ¡A ver cómu te
sal! |
MENÚ 2
ARROZ COLORAO
Esta receta val tamién pa facela con pataques o
ñabos, pudiendo llamalu entós PATATES COLORAES O ÑABOS
COLORAOS. |
POTE CASTAÑES |
| INGREDIENTES (Pa cuatru persones ) :
160 grs. d'arroz
Una taza o concu d'aceite
Una cebolla
Oriéganu
Sal
Ayu |
INGREDIENTES :
Castañes
Cebolla
Ayu
Pimentón |
IGUA:
Talamente si fuere bacalau, los pimientos choriceros han tar cuanto menos un
día ente agua, remueyu. En pasando esti tiempu los pimientos
pélense. Depues faese con ellos un refritu, y con aceite, cebolla, y
ayu. L'arroz tién de quedar caldoso, palo que ye mester echar siempres,
pa ferver, tres partes d'agua por una d'arroz... n'entamando a cocer ye cuando
se-y echa'l pimentón. Cocer 20 minutos.
Receta d'Enrique Domínguez Acevedo
|
IGUA:
El Pote casteñes yera d'antiguo un vezu culinariu propiu de casique toa
Asturies. Depués, al espardese'l cultibu les fabes y les pataques
éstes substituteren a les castañes. De toles maneres, el Pote de
Castañes ye tovía mui característicu de tola
montaña asturiana. Empléguense pa esti platu les llamaes
castañes de cuerria, que, ensin ser mayuques, tampocu son madures. Les
castañes pélense y cuécense con agua, echándose-yos
un refritu cebollina, ayu y pimentón.
Receta d'Enrique Domínguez Acevedo
|
|
