Joaquín
Vaquero Palacios
L’asturianu que güei traemos a les sos pantalles, ye un home
cosmopolita, un viaxeru infatigable y un creador polifacéticu, cuya fama
va más allá de les fronteres desti país. Joaquín
Vaquero Palacios, padre del también pintor Joaquín Vaquero
Turcios nació col sieglu y tá consideráu comu’l
arquitectu nel que la integración de les artes alcanza el so
másimu nivel . Agora veremos por qué.
Nacíu n’Uviéu, crióse ente’l Postigu Altu y la
calle Paraíso, onde su padre fue director de la Fábrica de Gas.
Empezó a pintar a los 14 años y, anque daquella nunca
había salido de la ciudad, ya conoz los impresionistes. Como él
mesmu diz, la so vida siempre tuvo dividida’n décades.
La primera son los años 20, que ye la que llama dómina de
Somiedo, onde empieza a dir col so pa, que ta construyendo el Saltu de la
Malva. Alli pasó les vacaciones de branu hasta 1927. Nesti añu
acaba la carrera y da’l saltu pa Nueva York, tras faer dalgunes
escapáes a Europa nos años anteriores. Tuvo per varies
ciudáes de Norteamérica y en Jamaica, en Guatemala, el Salvador,
en YucatánNesta época de Somiedo, usa una paleta de 8 collores,
ensin el prietu , anque los temas varíen en función de los
países visitáos.
Na década los 30, anicia la dómina negra col mural del Institutu
Nacional de Previsión. Esti color sácalu de los puertos y les
mines. La ría d’Avilés foi un de los sos temes favoritos,
asina comu´l entorno del Cabu Peñes y sobre tóu, la
playa´l Cuernu, cerca Salines.
En 1940, cambia de vida y empiecen los viaxes a la América Tropical, les
figures indíxenes, pero sigue pintando temes asturianos. Esta va ser una
década cambiante, especialmente a raíz del regalu que-y fae una
amiga d’una caxa de pintures violetes. Por gastala, faera nesti color
algunos de los sos meyores cuadros.
En 1950, ufierten-y el cargu de Subdirector de la Academia Española de
Belles Artes en Roma, que acepta y que lu lleva a la ciudá eterna hasta
1960.Allí enamorarase de la llume y el color, de les ruines que pueblen
toa Italia, de les xoyes arquitectóniques, les colunes, los arcos, los
volúmenes..Pero nun sólo atrapa la arquitectura de les ruines,
ellí faese definitivamente amante los volcanes, cráteres, furacos
de la tierra..la llava solidificada empieza a suxeri-y figures humanes. Ye una
dómina de cuadros antropomórficos, pero onde ta ausente tantu la
figura humana como la so obra. Lo que’l autor nomó Serie de la
Tierra, virxen, desnuda, sola.
A partir los años 60-70 empieza ya a dedicase con entrega a la
integración de les artes, dende la prespetiva del arquitectu, que
establez comu orden primero la arquitectura y que considera que ésta
debe integrar a les otres dos, escultura y pintura. Ye’l predominiu del
esquematismu.
Vamos ver agora algunes de les sos grandes obres.
La Caxa Asturiana de Previsión Social, proyectada’n 1934 y
acabada’n 1942 ye la primera obra sinificativa, de estilu racionalista. Un
edificiu, qu’en realidá son dos, y que ye una modernidá pol
purismu y la esencia de les formes, naquel momentu.Aquí atópase
tamién el mural de la Mina y el Mar, tan sólidu y grandiosu comu
tolos suyos. Al marxen de les munches intervenciones que fizo’n edificios
históricos, les obres más destacáes son: na decada los 40,
el mercáu de Compostela y un hotel en Madríd; nos 50 el
pabellón español na Bienal de Venecia, una catedral
n’Australia y les collaboraciones nos saltos de Salime y Belmonte; nos 60,
la central ellétrica de Proaza, la sede de Hidroellétrica
n’Uviéu y el Colexu Mayor América; y nos 70, intervenciones
na Central Térmica de Aboño y na de Tanes.
El edificiu d’Hidroelléctrica del Cantábricu,
n’Uviéu, encargaron-ylu cuandu taba’n Nueva York. Ellí
taba’n candeleru, recién estrenáu, el conceutu de muru
cortina y aplicólu por primera vegada n’España.
Trátase d’un rascacielos a la americana, retranqueáu
n’altura y planta pa axustase a les llimitaciones de les ordenances, lo
que-y permite xugar tamién coles mases rompiendo col monolitismu
imperante pa da-yos mayor dinamismu y personalidá.
Na Central de Proaza, recurre a la escenografía egipcia (frutu de los
sos munchos viaxes) pa magnificar la entrada al tunel que descendía a
gran profundidá hasta la sala máquines. Lo qu’en
realidá son dos chimenees de ventilación, convierténse en
dos pilonos exipcios al grabar nellos 2 figures alusives al tema de la
energxía elléctrica. Prometeo col Fueu, que simboliza la llume y
el calor, y Atlas sosteniendo l’Universu, como símbolu de la
fuercia y el movimientu. Dientru, otros cinco grandes murales completen la
magna obra.
La Presa de Tanes ye un casu distintu, ya que taba escavada’n roca viva.
Asi que lo que fizo fue revestir la bóveda y dexar los paramentos
laterales vistos, recuadrándolos con las pilastres que soporten el
puente guía y que tan cubiertes con aceru inosidable. Emplega muncho los
colores vivos nes pintures murales, a fin d’aliviar la sensación de
pesadez y opresión soterránea
Na Fábrica d’Aboñu, lo que fizo foi tapar los llaberintos
mecánicos y funcionales, decorándolos y revistiéndolos con
una serie de planches de color que contrasten col entornu. Comu na
mayoría de los casos, intervino tamién nes dependencies
auxiliares: oficines, despachos de los inxenieros, sales de reuniones…
Dientru destos espacios interiores, ye tamién guapu el refuxu circular
que fexo na Central de Salime. Con material absorbente de ruiu creó una
burbuxa que permite aislase..Y ye nesta central tamién onde tá la
so obra maestra escultórica, los relieves en hormigón
apiconáo. Anque formen conxuntu tan separtáos ente si ; el
tamañu y la testura faenlos monumentales, a xuegu col paisaxe que rodea
la central. El tema ya la costrucción de la central y el ciclu que sigue
l’agua pa faese enerxía.
Comu vimos, la so obra ye exemplu d’universalidad y dominiu de les
disciplines artístiques.Vamos terminar cola estrofa final d’un
sonetu que-y dedicara el poeta Luis López Anglada y que resume la so
inmensa calidá y humanidá, la so capacidá titánica
de creación:
"Cuando Joaquin Vaquero pinta,
su mano alcanza todos los horizontes.
Si blandiera una lanza, Roma se le rindiera con todas sus centurias.
Es un dios, lo aseguro; dios jovial y moderno,
que eligío ser pintor por lo de ser eterno
y que nació de Júpiter, cuando una vez fue a Asturias"
Pilar Sánchez Vicente
|
