JOAQUIN RUBIO
CAMIN
Joaquín Rubio Camín nació’n Xixón en 1929, na
cai Cabrales esquina Camposagráu. Ellí fue onde lu pilló
la Guerra Civil, que-y dexaría fondu recuerdu, tantu polos propios
acontecimientos bélicos comu pola miseria y la fame de la posguerra, esi
períodu atristayáu y gris de la memoria.
La so vida y la so obra tarán marcaes pol raigañu nesta tierra
del norte. Dende críu tuvo afición polos tebeos y pronto
empezó trabayar nel estudiu d’un arquitectu de Xixón.
Ellí fue onde conoció al otru grande de la pintura
contemporánea, Antonio Suárez, col que fizo los primeros galanes
comu pintor polos alredores de Xixón al salir del trabayu.
Los comienzos de Rubio Camín y Antonio Suárez marquen un finxu na
pintura xixonesa. Hai que tener en cuenta qu'al terminar la Guerra Civil,
Xixón cuenta con un númeru importante de pintores: Evaristo
Valle, Nicañor Piñole, Medina Díaz, Mariano Moré...
Pero les actividaes artistiques na ciudá, comu nel restu
d’España, sufrirán un gran atrofiamientu. Son más de
10 años de lletargu, que despertarán con una nueva
xeneración: a los nomes ya dichos de Camín y Suárez hai
que añadir Trinidad Fernandez, Fernando Magadaleno, Jose Luis
Suareztorga, Francisco Blanco, Pepa Osorio, Armando Suárez y Ado lfo
Bartolomé.
Empiecen a llegar los primeros ecos de los éxitos en París de
Orlando Pelayo y llueu establécense en Xixón Liliane Lees y
Alejandro Mieres. Un llibru de la colección Labor sobre los pintores
impresionistes, marcó el calter destes primeres pintures, de mena
autodidacta. Ensin embargu, pronto diría decantándose hacia otros
aspectos menos idílicos que van ser una constante na temática de
la so obra.
La so obra pictórica ta fecha la mayoría ente 1953 y 1961.
L’artista, establezse en Madrid en 1951,tras llicenciase del serviciu
militar, y ellí quedaría anque sin perder los llazos con
Asturies, onde volvería p’afincase 25 años dempués.
La precariedá económica fue una constante d’aquellos
años anque ganó el 2º premiu nel primer Concursu Nacional de
Pintura al que se presentó, en 1955, y solía publicar debuxos,
tarde y mal pagaos.
L’oficiu de pintor ye muy duru y siempre cuenta él mismu que la
familia quería que trabayase nun ban cu y se dedicara a pintar los
domingos, pero él tenía claro que lo que quería facer yera
xustamente lo contrario: pintar tolos diís y, si acasu, trabayar nun
bancu los domingos.
La escasa producción pictórica de Rubio Camín, de briosa y
resumida estructura constructiva, rica en pasta, de amplies y planes pincelaes,
fae de la soledá ún de los sos principales protagonistes, xunto a
la temática relacionada colos suburbios xixoneses y les zones fabriles,
qu’alternen figures pr iramidales, desnutridos caballos y ferruxinosos
gasóxenos. Dellos d'esos cuadros, pola economía espresiva, por la
so agrisada y xusta ambientación, polos tonos melancólicos y la
armonía tonal que desprenden, son pieces capitales de la pintura
asturiana. Nos bodegones, el rigor constructivu, les au sencies de perspectiva
y la nitidez de los contornos, marcadamente xeométricos, reflexen tola
modernidá plástica de la pintura española nesti terrenu de
la naturaleza muerta.
L’artista rememora nos paisaxes urbanos el barriu l’Arena y
l’entornu la fábrica de gas, pero faelo valiendose de composiciones
de sólida xeometría, depurades hasta lo esencial. Les figures
paecen aislades, sin relacionase ente si nin col espectador, y los angulos de
les ropes acentuen la aparien cia xeométrica.
De tonos oscuros y fuerte empaste, la obra revela un tratamientu del color y de
la llume d’acusáu contraste, nes antípodes del paisaxismu
asturianu de tradición naturalista. La pintura de Camín desde los
primeros años ufierta un estilu constructivu nel que se potencien les
mases y les formes definíes que anuncien predilección polos
volúmenes. Nestos años en Madríd, como otros tantos
artistes, literatos, poetes.. el puntu d’alcuentru, llugar de cita y mesa
de trabayu tienla nel Café Gijón, onde conocerá dellos
artistes significativos, intercambiará conocimientos y realizará
un buen númeru de retratos sobre la marcha a los participantes nes
famoses tertulies.
El rostru humanu la ambición del artista por captar el personaxe fae que
en tola obra fotográfica de Camín téa presente la figura
humana. Considera la cámara comu una ferramienta executora de lo
que’l cerebru crea, imaxina, piensa, ve.. Tras la pintura, el debuxu y la
fotografía, pasarase a la escultura nos años 60. Sería
decisivo pa esti pasu tantu la estancia en Londres como’l conocimientu de
Jorge Oteiza, del que se declara amigu y admirador. Ellí sobre unos
tablones d’obra, empezó a combinar materiales de desechu: chapes
d’aluminiu, clavos, hoxalata. El resultáu satisfízolu
porque, vueltu a Madrid, decide seguir investigandu nel campu
volumétricu, decantandose preferentemente pol fierru comu materia prima.
Asina ye que lo primero fae un cursu de soldadura pa poder conocer y utilizar
al máximu los recursos que permite esti material. La elección del
fierru vinculala’l propiu autor a la nacencia’n Xixón, onde
pasará tamién la adolescencia. Xixón ye una ciudá
industrial pero tien tamién mar, y xunta’l trasiegu de barcos del
puertu pesqueru col de los cargueros y trasatlánticos que arriben al
Musel. Los astilleros, les fábriques y, detrás de tóu,
dientru de tóu, el fierru. El trata de da-y a la estructura
hermética desta materia un contenidu estéticu, convierte al
fierru en materia noble,trabayalu hasta que nun paez fierru, nun comu otros
autores que yos gusta dexalu primariu , en brutu, a merce los elementos
naturales y la so propia descomposición.
Y cuandu trabaya la madera, diz que sólu tien que dexala falar, dexa-y
salir l’alma al troncu, devolve-y la vida a la naturaleza. La escultura
cultívala según una orientación abstracta y constructiva
de la que ye un destacaú representante n’España. Defechu,
agora ye más conociu comu escultor que comu pintor. Tien munchu contautu
y amistá tamién con Chillida, autor del Eloxu del Horizonte na
Atalaya, en Xixón, una controvert ida obra en su día que guei ye
símbolu de la ciudá y que ta plenamente identificada con ella.
Como pasará coles escultures de Camín pal paseu de Begoña,
de les cuales la más famosa ye’l Obeliscu. Fue tamién asesor
del reciente proyectu de remodelación desti tradicional y
céntricu Paséu xixonés y ye autor, ente otres muches
obres, de les imáxenes relixoses de la nueva Ilesia del Coto.
La última na que tá metíu ye la rehabilitación y
reforma de la sidrería El Carteru, un retu pal un escultor y, de xuru,
un gozu pa los parroquianos. Agora l’autor vive’n Valdediós,
nuna casa con un hórréu, que tien acondicionáu pa
trabayar, cerca del Conventín. Un llugar recoyíu y
paradisíacu, onde’l tiempu ta fechu piedra na Ilesia
prerrománica de San Salvador y el Monasteriu cisterciense de Santa
María, qu’emerxen pente l’orpín y el verde, nun xuegu
de volúmenes y borrines, ensin dulda inspirador pal artista.
Ye’l pintor asturianu contemporáneu por escelencia, xunto con
Antonio Suárez, y el que quedó aquí, lo que ye
entoavía más d’agradecer anque pa munchos suponga llimitar
l’alcance l’esitu. Ensin embargu, na última edición
d’Arco, la feria d’Arte Contemporáneo más importante
d’España y una de les más prestixoses del mundu, vendiolo
tóu, lo que muestra que sigue siendo cada vegada más, un valor al
alza. Bien que nos alegramos dello.
Pilar Sánchez Vicente
|
