LA POSTRER ZAMARRÁ DE LLENA

Peles navidaes, tol conceyón de Llena convirtíase nun ferviiru zamarraes. Estes zamarraes yerin unes mascaraes que dibin pelos pueblos representando comedies, pidiendo l'aguilando o desfilando ensin más. La postrer zamarrá que se fexo nisti conciyu,l'eñu 1923, entamóse en Rospaso, ensayá por Policarpo, un famusu madreñiru que creó escuela na zona.
Esta zamarrá salú al principiar el mes d'aviento y tuvo d'once a deciocho dis "chando la comedia" pelos pueblos de Babia y Lluna: Pinos, Santu Michanu, Turrebarriu, Candemuela, La Maxuga, Rubléu, Riulláu, Villasecinu, Villafeliz, Sena, Pobladura y Caldas.
Formábinla estos mascaritos: xuez, maraguetu, guirrios, madames, galanes, vieyos, ciigu, criéu y zamarrones. Amás d'estos, diba un acemiliru, anque tuviere huera de la comparsa, cola única misión de curiar el borricu que cargaba colos revistimientos y col aguilando.

El reperturiu yerin dos comedies, una qu'apañemos cásique entera gracies a l'alcordanza de Jesús Gutiérrez Pulgar y otra conocía como "La de los casinos", que taba fecha n'asturiano.
En cuantes llegabin a un puiblu, el que facía de xuez diba pidir permisu al alcalde pa char la comedia. Isti permisu nunca se-yos negó, y siempre-yos buscabin sitiu peles cases pa dormire.
Al final de les comedies entamaba'1 baille al son de la gaita, el tambor y la curdión de botones que Ilevabin los zamarrones.
Cuando tornaron yera tanto l'aguilando (garbanzos, lentexes, taragüezos de xamón, churizu, tocín y perres, que con too ello y dos corderos que compraron fixeron una pitanza y convida- ron a tolos vecinos de Tubiza, El Quempu y Rospaso y a dellos de Teyeo.

EL REVESTIMIENTU DE LOS ZAMARRONES

- El Xuez: Trataba de dir revistíu como un xuez de la época.
- El Maraguetu: Diba revistíu asonsañando a los naturales de La Maragatería. Llevaba bombachos y brusa negros, sombriru, leguis, bota de vino Ilena d'agua pa moyar a la xente y un virigueyu de güe p'apurrir con illi. Trayía una esquila colingando de la culera.
- Los Guirrios (dos): Capirote de cartón túu treméu de cimuesques con una cimuescona grande rematando'l picalín, camisa y pantalones blancos, cintu con esquiles y cascabeles, careta de pilliyu, pañuilu al piseuizu y una pértiga de dos metros y mediu pa blincare.
- Les Madames: Yeren mozos que se vistín asonsa- ñando a les señorites de la villa d'aquel tümpu.
- Los Galanes: Yerin dos, vistíos de "casinos" col traxe típicu de calzón y montera; asomando del bulsu , un reu de vaca. Otros dos diben mascaraos de señoritos, con sombriru de copa.
- E1 Vüyu: Túu esfarrapéu, con remiendos nes rodielles y na culera, botones fechos de tarucos de maíz, careta de cartón y una cayá del forno como cayéu.
- La Vieya: Vistía de prieto, saya toa remendá, pañolón na cabeza, una riestra d'ayos (ensin ayos) a moo copete y careta con dos dentones fechos de pelu.
- Los Zamarrones (dos): Esterón como casulla, llergu pela corva, máscara de pilliyu con bigotes y barbes fechos de les barbes del maíz; pantalón a media caniella, abiirtu pel lleu de huera con unos botones; calces cayíes pa baxo, alpargates y madreñes; dos cencerros colingando peles paletiyes y utru más grande al pichu.
- E1 Cügu y E1 Criéu (dos ciegos, se- gún Amador Pulgar): Ún diba con una máscara fecha de pilliyu d'oveya, con una oreya tiesa y la otra tarazá. Tocaba una "guitarra de serdes" (una bandurria queyos dexare en Rospaso un aserraor santanderín) que tenía la tapa de pilliyu.