ASTURIES.COM
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
SIGNIFICACIÓN
Estes mascaraes (los zamarrones de Llena y Mieres, los zarrapatrones d'Aller y
Turón) y otres d'Esturies y d'Europa, como los bardancos de casu, los
mascarones de la parte alta d'Aller, la vijanera de Cantabria, los joaldunak
d'Ituren y Zubieta (Navarra), los Pertchen del Tirol, etc., son un viiyu ritual
vivu de maxa empático, col que los nuestros antepasaos del tiimpu de les
xentilidaes propiciabin l'eñu entrante. Nel Tirol creen que los Pertchen
-mascaritos de Navidá- son representaciones d'espíritos que
vienen del país de los muertos y qu'aduyen a la fertilidá de los
campos y a char los malos espíritos.
L'antigüedá d'isti tipu de ritual ta avalá poles menciones
de San Paciano, obispo de Barcelona nel siglu IV, que fala d'unes mascaraes
asemeyaes que se facín peles Calerndae Ianuariae na so diócesis,
nes que los participantes revistínse de venaos.
Rituales de mascaritos pa incorporar los espíritos benefactores de los
antepasaos (rnanes) fáenlos casi tolos pueblos de la Tierra, dende los
Dogón de Mali hasta los Kwa-kiutl de la costa noroeste de los Estaos
Uníos. Polo tanto, anque toles mascaraes d'Europa s'asemeyen ente si, el
so aniciu sedría plural. Eso sí, ye seguro que l'imperio de Roma
fexo de crisol pa que -ensin uniformales- se paecieren más unes a otres.
Los romanos mesmos tenín delles: les Compitalia del
24 de noviembre, les Terminalia del 23 de febrero y les
Lupercalia del 15 del mesmu mes. Los pueblos celtes
celebrabin el primiru de noviembre la fiesta de Samain, entemu del enu celta,
del huibu nuivu, con mascaraes y con pitances a base guchu.
La duplicidá de rituales qu'hai nel aviento y nel antroxu tien la so
esplicación nel cambeo de la fecha que principia l'eñu. Na Roma
antigua l'eñu emprinciaba cola ñprimer lluna del esneviamiintu:
marzo. Dempués fixéronlu principiar n'aviento, y más terdi
Numa sumó-y el mes de febrero, faciéndolu el cabiru del
eñu. Pa rematar, Xulio César pasó'1 calendariu de llunar a
solar, faciendo a xinero el primer mes del eñu, dediquéu al dios
Ianus. |
Zamarrón de Retruyés |
Ensin duda denguna podemos dicir que con isti
ritual, la comunidá del tiimpu de les xentilidaes quier asegurar les sos
necesidaes vitales: alimintu, salú, defensa, vida afetiva, llindes
territoriales, etc. Entá hasta va poco, les mascaraes facínse por
parroquies, que hueron creaes nun principiu sobre les mesmes xentilidaes, y
había enfrentamientos con mascaraes d'otres parroquies distintes. Ensin
afondar muncho, diremos que'l guirriu -mascaritu que va siempre vistíu
de blanco, color de la lluna, residencia de los muertos (los antepasaos, los
manes) y huente d'enerxía vital que fai medrar les plantes- trai un
capirote, representación del utru mundo y, polo tanto, de los cuernos de
la lluna. Faigamos alcordanza de que los magos y los llocos (lluniegos, por nun
tar nisti mundo sinón na lluna) siempre se representen con un capirote.
Polo tanto, podemos dicir que'l guirriu ye un mascaritu que capia
l'espíritu de la Lluna y tolos beneficios qu'ésta arrama pa que
crezan les coseches (d'escanda, de miyo, de llino, etc.). Asina illi
algamará añaes tan bones como grandes sean los saltos que pegue
cola pértiga.
|
Los zamarrones faen fuxir los
malos espíritos huera del territoriu parroquial col ruxir de los sos
llueques,y munches veces son a metelos en dalgún llugar rival
escorriéndolos hasta ende, lo que ye causa d'enfrentamiintu colos
habitantes d'esos pueblos. Esti ye un fichu típicu de los zamarrones de
Carabanzo y de los zarrapastrones de Turón. Los sos enfrentamientos con
otres zamarronaes, aparte d'esta razón, tienen el sentíu
d'asegurar los llindes territoriales. Bebiendo y comiendo tolo que seyos da,
aseguren la bayura. Sabemos qu'antiguamente revestínse con cuernos, colo
que podemos albidrar una función de fertilización y abondancia de
ganao.
Nestes representaciones nun podín faltar el vixiguiru y el ciniciru,
qu'encarnen espíritos propiciaores de la fertilidá.
Creyíase antiguamente que la vixiga yera un órgano d'eire y, polo
tanto, xerminaor (alcordémosnos de les famoses yegües lusitanes,
que yerin preñaes pol viento "favonius"). Tovía
anguaño, cuando una burra quier griñón, dicimos que
"ta ventosa" . Asina, el vixiguiru, al pega-yos cola vixiga a les
moces, propiciaba la fertilidá d'estes: y ser un clan más grande
yera tener más poder. De la ceniza, toos conocemos el so valor como
abunu pa les tierres; polo tanto, equí ten- drá tamién
poder fertilizaor.
El viiyu y la vieya son representaciones del eñu que muerre, y la dama y
el galán del que naz.
L'oso y l'emu tendrín aniciu nuna vieya mascará, yá
desfigurá, cola que se quedría evitar que les fieres monteses
ata- caren al ganao de la xentilidá.
La filaora, igual que la cardona, son dos mozos revistíos de muyeres,
una filando y la otra cardando, que propiciarín tener cubiertes les
necesidaes de vistíu nel eñu entrante.
Nisti ritual propiciaturiu, faise ensin querer una primitiva
representación dramática. A imitación d'estes
representaciones dramátiques, fadrínse col tiimpu otres nes que'l
calter máxico-relixusu nun taría yá presente, y asina
surdiría la comedia profana, que tamién llegaría a
influyir nestes manifestaciones. D'esta manera, les mascaraes lleguen a
nosotros faciendo representaciones de comedies d'entretenimiintu, con
personaxes como xueces, indianos, etc., y problemes típicos de les
aldees del siglu XIX y entamos del XX. Pero, a pesar de toes estes evoluciones,
el primitivu ritual máxicu de tiempos prehistóricos sigue vivu,
anque de mano nun seamos a comprendilu.
Un fiehu destacable ye que tolos mascaritos son homes, homes solteros, grupu
nel que s'entraba dempués d'un ritual de pesu, y que yera herediru del
grupu guerriru de la vieya xentilidá, con toles sos obligaciones y
prerrogatives. Pero isti asuntu da pa muncho más y ye meyor dexelu pa
utru trabeyu.
|
Zamarrón
Debaxu de Gausón Fernande |
Comentábimos cómo la
vergüenza polo propio acaba cuayando nuna prohibición, pero agora
que los asturianos volvemos a ser nosotros mesmos, podemos garrar l'exemplo
d'Ituren y Zubieta, dos Ilugares de Navarra orguyosos de los sos Yoaldunak (una
a mestaúra de guirrios y zamarrones). Estos faen la
representación en xinero, diendo a visitar el puiblu vecín; los
del utru puiblu vuélven-yos la visita d' allá a unos dis. Esta
mascará ye un acontecimiintu destaquéu de la cultura vasca y
llama muncho l'atención dientro y huera de Navarra.
Los nuestros zamarrones tamién facín desfiles pareyos enantes
d'entrar nel llugar onde dibin char la comedia al son de la gaita y el tambor,
faciendo ruxir los cencerros a les órdenes del turullón que
Ilevaba un zamarrón que facía de capitán, munches veces el
más viiyu d'ellos. Na raya de Mieres y Llena, a l'altura Senriella,
atopábinse zamarronaes de los dos conceyos y entamabin quimera. Enantes
d'estremase los dos conceyos les zamarronaes cruciáben la raya ensin
problemes, pero dempués dieron en tornase les de Mieres a les de Llena y
les de Llena a les de Mieres.
|
| Nun taba de más qu'a nivel institucional -parllo
d'instituciones municipales- y como auto d'hermandá ente dos conceyos
que nacieron como ún sulu, toles Navidaes s'entamaren dos zamarronaes
que, saliendo una de La Pola y otra de Mieres, s'alcontraren na raya y fixeren
el so combate ritual, con el "acostaze"
(emburriones de costezu) ente los zamarrones y competiciones pa ver eual de los
guirrios salta más y meyor, asina como la representación de
comedies, pa dempués acabar nuna pitanza d'hermanamiintu toos xuntos, na
que tarín representaes les dos corporaciones.
|
|
|
