ASTURIES.COM
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Asturia ofrezte
en collaboración cola revista Asturies, memoria encesa d'un
país, editada pol colectivu etnográficu Belenos,
documentos informaciones o noticies hestóriques rellacionaes cola
hestoria d'Asturies.
Esti mes faese una alcondanza de los evacuaos d'Asturies durante la Guerra
Civil y la so acoyida nos puertos del sur de Bretaña. L'artículu
ta escritu por Lisardo Lombardia Yenes y editáu nel númberu 4 de
la revista.
|
Fundida la cabera resistencia del exércitu
republicanu n´Asturies, darréu de quince meses de guerra civil, el
20 d´Ochobre de 1937 el "Consejo
Soberano de Asturias y León" ordena la evacuación por
mar, la so única salida, cuandu les tropes de los solevaos entainen la
so marcha a la escontra de Xixón. Perpasaes toles previsiones que la
Comisión de Guerra decidiera tres díes enantes, de los
cásique 10.000 evacuaos que, nel caos del momentu, fueron a algamar les
costes franceses, alrodiu de 2.300, ente combatientes y civiles, aportaron a la
rexón marítima del Sur de Bretaña ensín
víveres y malpenes combustible, refugando´l fueu enemigu y una mar
enraxonada. Lorient, Douarnenez, la Islla de Groix, Guilvinec, Quiberon,
Penmarc´h.... son la xeografía de la dramática hestoria
d´aquellos derrotaos.
|
|
