| "El Gaiteru
Libardón"
Semblanza d´un Asturianu de llienda
Foi nacíu n'Arroes,
Villaviciosa nel 1864, de familia llabradora. Bien aína amosó
facultaes pa la música y el cantu. Anque yá yera daqué
conocíu, ye dende 1889, a los venticincu años, cuandu algama
sonadía al contrátalu la firma de sidra El Gaitero (constituyida
dos años enantes) pa dir a la Esposición Mundial de París
pa la que se fixera, ente munchu alderique, la torre Eiffel.
Nun diba ser ésta la postrer vegada que visitara la ciudá-lluz,
once años depués, en plenu xorrecer de la so fama, diba volver a
la Esposición Mundial de 1900 - na que Francia echó la casa pela
ventana-, participando cola firma colunguesa de sidra EI Hórreo.
Equí dio-y el xuráu la "Medalla de Méritu", el
so primer galardón internacional.
Dende 1890, cuandu se casa, principien a llamalu col nomatu col que
pasaría a la hestoria de la música tradicio nal asturiana. De ser
enantes Ramón el d'Arroes pasa agora a llamase El Gaiteru
Libardón, en referencia al nome del pueblu de Colunga, Lliberdón,
acastellanáu en "Libardón", d'au yera la so muyer y pa
onde marcha a vivir. Esti nomatu nun lu punxera elli, sinón la xente,
siguiendo'1 vezu asturianu de lla mar a una persona non pol so nome real,
sinón pol del llugar onde foi nacíu o vive. Ramón o
Libardón, a seques, son otres de les maneres de conocelu al nomar a esti
gaiteru por antonomasia.
EI nacimientu del sieglu XX abre la so época dorada con munches
actuaciones non sólo a lo llargo del territoriu nacional, sinón
tamién n'estranxeru, en xires artístiques pola so cuenta o pa
promoción de la industria sidrera asturiana y, de ralo en ralo, pa faer
grabaciones fonográfiques. Fasta finales de los años venti,
percuerre dellos países europeos (Francia, Alemaña, Italia ya
Inglaterra) y del continente americanu (EE.UU., México, Cuba, Puerto
Rico, Chile y Arxentina) en dellos viaxes ultramarinos.
Nun tiempu onde fechos d'esa mena nun abonden, visita tolos grandes certames
internacionales. Amás de los yá mentaos de París, va a la
Esposición Interncional de Buenos Aires de 1911, a la Universal de
Barcelona y a la Iberoamericana de Sevilla, les dos cellebraes nel 1929.
Nos anicios de la década de los trenta, la so vida artística
llega al acabu: tantos años ensín aparar un momentu y una
enfermedá de corazón oblíguenlu a ello. La so postrer
actuación pública va ser nuna fiesta minera y, pocu más
sero, canta nuna fiesta familiar -tamién per última vegada- na
primavera de 1931 en Cagüeñes (Xixón). Meses depués,
pel branu,la xente va oyer la so gaita, yá sola y ensín voz que
la acompañe na misa solemne y na procesión de la fiesta patronal
de Lliberdón. Ramón, a la contra de lo que siempre ficiere,
yá nun participa na romería de San Roque que se fai darréu
del actu relixosu.
N'ochobre de 1932, a los 68 años, muerre na so casa de La Quintana, en
Llibardón, iguada col frutu del so ésitu. Tanto n'España
comu n'estranxeru, les cróniques periodístiques y los munchos
actos de duelgu y homenaxe dan fe de que fuere una figura ensin par y mui
querida.
Quiciabes haya que destacar, comu sentimientu acertáu, lo
qu'entós dixo'1diariu EI Comercio de Xixón: "Con él
se va el último bardo, el verdadero carácter asturiano".
Sicasí, el so recuerdu, en forma yá de llienda, caltiense vivu
güei na memoria hestórica d'Asturies, comu se fai ñidio n'al
cordanza popular y nos homenaxes públicos que-y fixeron, por delles
razones, en 1969,1986 y 1994, amás de na reedición de les sos
grabaciones yá hestóriques.
LA PAREXA
EMBLEMÁTICA: "LIBARDÓN" Y "ELTAMBOR DE
L'ABADÍA"
El gaiteru Libardón actuaba siempre solu o acompañáu de
tambor. Asina ye que lo que-y daba singuladá al so facer yera'1 tocar la
gaita y cantar al mesmu tiempu, lo que nun yera común. Nun
perteneció a formaciones artístiques, magar que coincidiera con
ot ros artistes en delles xires per España, comu cola
Compàñía Asturiana, cuadru de munchu ésitu per
aquel y que yera una entretenida amuesa de l'Asturies fonda: bailles,
monólogos, pieces curties de teatru, instrumentistes variaos y
cantantes.
Sicasí, foron munches les ocasiones nes que tuvo a la vera otru artista
d'abonda sonadía, col qu'allegaría a formar una parexa famosa:
José García, El Tambor de l'Abadia, llamáu asina pola
xente de Cenero (Xixón ), llugar de la conocida abadía
qu'entá güei da nome a les sos fiestes patronales. Con elli como
compañeru iguó una parexa señera de la música
tradicional asturiana, allegando a llevalu con él nuna de les munches
xires per Llatinoamérica.
AUTODIDACTA, POLIFACÉTICU Y CARISMÁTICU
Ramón García Tuero foi un músicu autodidacta y el so
afán por saber y cultivase tamién lu demostró n'otros
aspeutos de la so vida privada, comu na de ser un llector incansable,
rellacionándose con algunos intelectuales, o nel so pruyimientu por dar
una bona educación a los sos seis fiyos sobrevivientes.
A les dotes artístiques que tinía de nacencia, propies de tou
artista popular, amestó'l so esfuerciu por saber música, cosa que
nun usaba pa lo qu'él facía de folclore tradicional, sinón
pa lo que llamen música culta. Quier dicise, pa lo relixoso (mises,
funerales, etc.), militar o civil (marches, himnos, etc.), qu'él
tamién tocaba cola ayuda d'un harmoniu y, en temes mui cuntaos, cola
gaita.
El órganu pequeñu deprendió a tocalu de mozu col cura
párrocu del so pueblu natal d'Arroes, que tamién lu empunxo pelos
estudios musicales. Gracies a la so doble cualidá comu instrumentista,
facía d'intérprete, relixosu o popular, según pintare. Un
casu típicu yeren les romeríesde les fiestes patronales: primero,
la misa solemne, col harmoniu pa los asuntos relixosos y la gaita pal final,
col himnu español. Depués, yá sola, la gaita pa la
procesión y, más tarde, pa la folixa del baille popular. Y
siempre, penriba y enllenándolo too, la so voz potente, usada
n'ocasiones comu postín amestáu a la puya'1 ramu. Funerales y
dellos actos cívicos completaben el so avezáu cuadru
d'actuaciones cuandu taba n'Asturies.
Amás del so propiu valir comu artista, hai otra faceta que, fasta
güei, nun se tuvo abondo en cuenta. Dignificó, por dicilo asina,
una música eminentemente popular (usada sólo pol y pal pueblu
llano) amás de la cultura popular y la tierra de la qu'ésta
venía. Féxolo llevando too ello, ensín perder un rispiu
d'autenticidá, a los grandes alcuentros internacionales, a los actos
públicos d'enxuncia, a los salones de notabgles, a los teatros y
más sero, a lo novedoso: a les emisores de radio y a les grabaciones
discográfiques.
Nes sos actuaciones artístiques, amás de nes audiencies
d'autoridaes, siempre vistió, mui brétigu, el traxe tradicional
asturianu, lluciendo nelli toles sos condecoraciones. Los sos ixuxús y
vives a la xente -n'especial, a les moces- n'acabando la canción o de la
que finaba les sos actuaciones, dícenlo too del so sentir en cuantes a
la so asturianía.
El qu'allegare a coincidir nun mesmu teatru con otros artistes d'estilos
estremaos y sonadía reconocida, nun ye casualidá sinón
dalgo qu'hai que tomar muncho en consideranza. Los casos de Caruso, cola
canción popular napolitana, de Gardel, col tangu de los arrabaldes
más tarde, de Segovia, cola guitarra española -enantes
arrequexada nos tablaos-, son pa Ramón García Tuero exemplos bien
afayadizos pa illustrar casos asemeyaos de la llegada de la cultura popular a
les bambalines más escoyíes gracies al xeniu individual d'un
artista.
Güei, por suerte, otros tán siguiendo, nesi sen, aquel primer
arreblagu que diera El Gaiteru Libardón, anque tresd'un bache de
décades que namái qu'enllenó'1 gran virtuosu, José
Remis Ovalle, fiyu xustamente del que fora'1so únicu rival pareyu, EI
Gaiteru Margolles, de Cangues d'Onís. Nel tratu personal, Ramón
García Tuero tinía un calter candial y socarrón, yera bon
conversador y gasayosu reconocíu. Abonáu a improvisaciones y
salíes célebres, el so anecdotariu ye ricu asgaya. Tuvo l'apreciu
de la xente y al mesmu tiempu, de los poderosos, tanto por cuenta del
patrimoniu comu pol cuñu políticu. Ente ellos figuró'l rei
Alfonsu XII, al qu'acompañaba siempre nes sos visites a Asturies y
qu'allegó a impone-y una medalla, amás del restu de la familia
real. La reina madre María Cristina concedió-y una audiencia
particular, interesada en conocer de cerca aquel asturianu del que tanto se
parllaba. Pela so parte, el Gaiteru, dedicó-y al Príncipe
d'Asturies delles canciones, siendo la más conocida y que tien delles
versiones, ésta:
Vengo desde Llibardón
saltando matos y muries
para cantar en Xixon:
¡ Viva'1 Principe d'Asturies!
Dicen que nun hai roxu buenu.
Yo digo que ye un llevantu
pos el principe ye roxu
y ye más buenu qu'un santu.
Llueu del golpe militar de 1923, tamién trabó conocimientu, nes
sos visites a Asturies, col xeneral Primo de Rivera, d'edá y calter
averaos al Gaiteru Libardón.
GRABANDO DISCOS A ENTAMOS DE SIEGLU
Fasta 1927, el "Gaitero de Libardón", comu recen les etiquetes
de los sos discos, fexo munches grabaciones n'España y n'otros
países europeos. Al traviés de delles marques
fonográfiques impresionó más d'un cientu de canciones, les
más d'elles con lletra y música de so, amás de solos de
gaita. Namái comu datu anecdóticu hai que dicir que tamién
fexo unes poques grabaciones acompañando al cantante Angel
González. De la qu'entamaba'1 sieglu XX, la industria
discográfica taba nel so alborecer.
En 1909, Ramón estrenóse nos fonogrames con ODEON, marca de la
INTERNATIONAL TALKINGMACHINE COMPANY, de Londres. Pela so parte, la COLUMBIA
PHONOGRAF COMPANY GENERAL, de Nueva York, firma cabezalera daquella y con
sucursales en dellos países, contautó col gaiteru Libardón
en Buenos Aires nel añu 1911. Ellí firmó un contratu
n'esclusiva que lu lligaba fa sta finales de 1921. Ello supunxo que la
mayoría de les sos canciones les grabare con esta marca o con REGAL,
subsidiaria d'ella.
Les sos impresiones
fonográfiques postreres foron pa la casa PATHE, con sucursal n'
España. Asina, Ramón García Tuero formo parte de los
entá raros catálogos discográficos, curiosamente comu
intérprete d'una música minoritaria comu yera la música
del folclor asturianu. Naquel entóncenes la mayor parte de les
grabaciones yeren de música clásica, n´especial d'opera,
bandes civiles y militares o jazz. La so gaita foi tamién pionera na
radio, un inventu que diba revolucionar les comuni- caciones a partir de 1921.
Libardón actuó nuna d'aquelles emisiones primeres y féxolo
dende una emisora alemana. Ta claro que foi ési, otru de los sos
díes hestóricos, anque él de xuru, nun se diera cuenta de
que taba faciendo hestoria, comu en tantes otres coses.
NOTES
1. ARIAS, R. L., "EI Gaiteru Libardón". Revista
Libardón, nol,1957.
2. MIRANDA, J. C., "Biografía del Gaiteru de
Libardón". Diariu Ln Nueva España, 26-7-1969 y programa del
homenaxe celebráu en Lliberdón el 10 d'agostu d'esi
añu.
3. MIRANDA, J. C., "Homenaje de Asturias al
gaiteru". Revista En un rincón de Asturias. Buenos Aires,
payares-avientu,1969.
4. MIRANDA, J. C., "EI Gaiteru Libardón". Diariu
Región, 24-8- 1975. 5. TUÑON, O. L. y MARTINEZ, A., Recuerdos de
la Canción Asturiana (Citando a Javier Díaz, Javier el d'Arroes),
ALSA,1984.
6. CARMONA, X. LL., "E1 Gaiteru Lliberdón, un mitu na
música popular asturianá". Periódicu Dixebra,
avientu,1984.
7. MIRANDA, J. C., "EI Gaitero Libardón, un mitu popular
asturianú". Diariu La Nueva España,18-19-21 de payares de
1994. L. MIRAN- DA, ,.C., "E1 año en que 'Libardóñ
grabó para Columbiá'. Diariu La Nueva España,l3-10-1996.
|
