| "L´Asturianada del
Centru I"
N´Asturies, comu
n´otres rexones, la música del pueblu, antañu, nun diba
más allá de l'espontaniu espardimientu aldeganu y campesín
nin cuntaba con dala reconocencia fuera del so natural escenariu: el gaiteru,
cola so gaita al llombu, resultaba un tipu pintorescu que caleyaba fiestes y
romeríes soplando y arrecendiendo a vino blanco y sidra. Al cantor
d'asturianaes pa velu actuar tenía que dise atopalu nel chigre o nel
llagar en tiempu d'espicha` onde asoleyaba los sos enfotos cantariegos`
dacuandu diendo a la tema con otros rivales. Non son pocos los pintores que
llevaron a los sos IIenzos estos temes: "La gaita nel llagar" (Manuel
Medina), "Lagar con gaitero y escanciador" (Celso Granda)` "La
Pipiona" (José Uría), etc.
Díxose siempre, y remémbrasenos de contino` que la
"escuelá" del cantu asturianu fora'1 chigre. Vegaes asgaya
cuntáronmoslo los más veteranos y nombraos cantantes` ente ellos
ros nuesos entrañables amigos "Cuchichi" y Miranda,
orfeonistes ya integrantes pelos años venti del más famosu
cuartetu vocal asturianu bautizáu pol pueblu soberanu comu "Los
cuatro Ases" ("Cuchichi ', "Botón", Miranda y
Claverol). Ellos, uvieínos, yeren tamién maxistrales
intérpretes d'asturianaes. Ellos diéron-y puxu enforma a la
canción asturiana pa sacala del chigre, llevándola per cines y
teatros pero toa Asturies y peles principales capitales d´España,
incluyida la Esposición Internacional de Barcelona nel añu 1929,
fasta merecer que'1 Gobiernu de la nación-yos diere la Medalla del
Trabayu y Méritu Artísticu pol llabor que viníen
desendolcando. "Cuchichi", yá de magar 1915 illustraba cola so
voz los escoyíos exemplos que Torner desendolcaba nes sos
conferencies-conciertu, xunta con María Argüelles. Y
"Cuchichi" y "Botón" fuéronse a Cuba cola
asturianada comu bandera y ellí grabaron el so primer discu, en La
Habana, onde coincidieron con otru uvieín y antigu orfeonista, Augusto
Ordóñez, que s'afayaba na capital cubana triunfando comu
barítonu d'ópera.
Otru de los míos queríos y almiraos amigos, Juan Menéndez
Muñiz "Juanín de Mieres",1'anguañu decanu de los
cantantes rexonales asturianos, gasayosamente reinante, que yá
cumplió los 90 y qú algamó los más altos cumales
comu intérprete, siempre que tien vagar remémbranos la
"escuela del chigre", anque per esa "escuela ' nun pasen les
muyeres que "vedadá' la entrada.
Húboles, ensin embargu, conocieron ambientes asemeyaos, como Obdulia
Alvarez, "La Busdonga" que naciera na Fonte la Plata d'Uviéu
residió años en Mieres, onde los sos pas tiníen un chigre;
esto ye, una escuela de cantu y ellí pa cantar tinía que pedise
tur nu. Amás, la so má, Victoriana, cántabra, tocaba la
gaita y el tambor. Otru casu foi'l de Celestina Riestra, "La
Pepayona", del barriu de San Lázaru d'Uviéu, que cantaba per
fiestes y romeríes acompañada a la gaita por Marcelo del Fresno.
Ceu a esta "escuela" sumárase otra: la de los discos de
gramófonu, aquelles plaques de 78 onde quedaron rexistraes les voces de
los nuesos "clásicos", munches recuperaes y que se puén
alcontrar nel mercáu.
Mentantu la canción asturiana se caltuvo na fase de cultura auditiva
munches canciones popula res morrieron, esapaecieron o sumiéronse nel
escaezu, penriba too nes Asturies oriental y occidental, que remanecíen
comu ayenes al marxe del resurdimientu de l'Asturies central movilizada pola
reindustrialización y la minería. Aporta la marexada del
Nacionalismu, que n'Asturies comu en otres partes representaría la
esaltación de la nuesa música indíxena. Los nuesos
músicos, n'efeutu, respondieron cola música d'inspiración
popular. Los nomes d'esos músicos y compositores pertenecíen,
toos, a l'Asturies central: Víctor Sáenz (Uviéu) Rufino
González - Nuevo Miranda (Avilés-Uviéu), José
Hurtado (Avilés), Anselmo González del Valle (Uviéu), y
sucesivamente Fidel Mayu (Xixón), Francisco Rodríguez Lavandera
(Xixón), Baldomero Fernández (Uviéu),Eduardo
Martínez Torner (Uviéu), Manuel del Fresno (Uviéu),
qu'espúblizaron pout-pourris de cántares asturians, coleiciones
de temes musicales, cancioneros, etc. nos que ceu s'atopen asturianaes, un
tresmontoriu de xirandilles que darréu se cantaron comu asturianaes,
delles vaqueiraes, dalguna cabraliega y dellos cantares de danza llaniscos...
Curiosamente los cancioneros díctalos el pueblu, trescríbelos el
músicu cultu y l'intérprete popular queda fuera xuegu porque nun
sabe música nin-y peta deprendela, quiciabes porque I'asturianada nel so
estáu natural tien rocea al pentagrama.
Enantes de piesllar esta brevísima introducción, déxesenos
dicir que los dos compositores que contribuyeron de manera más decisiva
a la reconocencia social y artística de l'asturianada foron Eduardo
Martínez Torner y Baldomero Fernández. Torner foi l'investigador
y musicólogu que descubre una Asturies musical nueva por enxamás
desplicada dende los sos raigaños. Baldomero Fernández foi'l
músicu qu'averó la canción asturiana al conciertu.
Torner, nos sos entamos con "Cuchichi" y María Argüelles.
Baldomero de Angel González, "EI Maragatu", y Obdulia Alvarez,
"La Busdonga". Baldomero y Torner coincidieron nel tiempu
ensín torgase, ca ún col so personal enfoque. Torner nun falaba
d'asturianaes sinón de la llugareña y el pastor, del tastu y
gracia picaresca de l'añada, del espíritu reciu y cerbunu que dan
vigor y brusquedá a les vaqueiraes; del diálogu de xera
campesina, por exemplu, en "El Garapiellu", que semeya un
discretéu llíricu al estilu de los de la Iliteratura teatral del
Sieglu d'Oru.
La intención etnomusical ye la qu'alluma los 500 temes del Cancionero
musical de la lirica popular asturiana, de Torner, que continuaría a
lo llargu de la so trayeutoria fasta convertise en mayestra de los estudios
folclóricos españoles, en pallabres de J. B. Trend, de la
Universidá d'Oxford.
Baldomero Fernández pon en solfa l'asturianada. Ehí tán,
por exemplu, les sos Cuarenta canciones asturianas Ilevaes al conciertu:
"Soi de Langreo", "Caminito del Puerto", "Ye blanca
comu la lleche", "La portillera", "Soi de Mieres",
"Cómo te va con la pluma", "De la mar salen los
ríos". O "Los mineros del Fondón", "Torna la
gocha", "Tengo de ponete un ramu", etc. Martínez Torner
(Uviéu), Manuel del Fresno (Uviéu), qú espublizaron
pout-pourris de cantares asturianos.
La canción típica del País Asturianu, comu toles canciones
de temes musicales, cancioneros, etc. aportó fasta los nuesos
díes per tresmisión, porque hebo una primer xeneración que
la cantó y tresmitióla a la viniente, y asina una y otra vuelta.
Si esti procesu nun se diera, la canción tendríase esaniciao.
Estes canciones son, comu tol mundu sabe, anónimes, feches por ún
o dellos autores; o seya, reellaboraes, inclusu cola participación de
compositores profesionales, escritores de cantares populares, clérigos y
fasta grandes mayestros .
Nun ye pensable en nengún casu qu'un pueblu s'axunte en conceyu abiertu
pa "inventar" un cantar. Vinimos insistendo dende cuantayá,
que l'asturianada afáyase aprobecida y encorsetada en media docena
d'esquemes, que se repiten ensin Ilende. Nesti sen, los concursos nun resuelven
les grandes carencies, al contrariu: a más concursos más
repeticiones. Repeticiones que s'espeyen más y más na
producción discográfica. Ye evidente que se ye a falar con
fundamentu asgaya d'involución del nuesu cantar típicu. L'ultimu
innovador, que nos dexó decenes de discos, foi José
González, "EI Presi", en partticular el de la primer
dómina, el de "Voi pa Llanes', "Xilguerín
parleru", "Cuando salí de Asturias", "Toca la gaita,
gaiterú', "Dicen que morriól raposu"...
Y na voz del "Presi' dellos temes de Rafael Moro, comu "Campanines de
mi aldea", "Si yo fuera picador" (letra de José
León Delestal) y "Asturies de mi querer". (Hebo otru cantante
con un estilu mui asemeyáu, que se llamaba Orestes Menéndez,
comentóme un día "El Presi'). Los nuesos intérpretes
siempre optaron polos "clásicos", y ente estos por Miranda,
"Cuchichi", Angel González ( "EI Maragatu"),
"Xuacu'l de Sama", Enrique Cienfuegos ("Quin el Pescador"),
Juan Menéndez Muñiz ("Juanín de Mieres") y
dalgún más. Y ente les muyeres, enriba too Obdulia Alvarez
Díaz ("La Busdonga"). "Tengo de ponete un ramu",
etc.
Toos ellos dexaron testimonios del so repertoriu en plaques de 78 y en
microsurco. Pero toos remembraréis qu'hebo intérpretes que nun
grabaron nada, que nel so tiempu, sí, cantaben nos chigres porque
ellí taba la cátedra que daba o quitaba créditos, que daba
o quitaba nome y sonadía. Nel chigre nel Ilagar y nos concursos de la
canción pelos barrios había braeres rivalidaes. Sobre esti tema
aportaron fasta nós numberoses anécdotes. La consagración
d'aquellos cantores d'asturianaes allegóse en dellos casos a trespasar
la barrera de tolos calandarios.
Comu yá dexamos dicho, les muyeres llevaben la peor parte, porque elles
nun cantaben pelos chigres. Pero húboles mui decidíes, comu la
citada Celestina Riestra, "La Pepayona". Un de los cantares que
más la identificaba yera "Adiós, llugarín de
Pion". Otra foi "Marica la Catedrala", tamién
d'Uviéu. Esta foi más alló: allegóse a acreditar un
tipo de cantar que'l pueblu bautizaría comu "catedrala".
Cantar "una catedrala" yera cantar una de les canciones de
"Marica". Cantaba peles romeríes col gaiteru Aurelio "el
Busdongu". L'estilu de "la catedrala" yera'l más
clásicu de l'asturianada del centru, con períodos llargos nos
finales de la canción onde la so voz fundíase cola del punteru.
Esta singular cantante disponía de lletres comu esta: Pa bailar, Juan
Calita, Amigo, ya no hay amigo, pa cantar, la Catedrala; que el más
amigo la lleva, y para buenos gaiteros no hay amigo como Dios Libardón y
Santaclara y un duru ena faltriquera.
Otra muyer del mundu de la canción d'ayeri foi Patricia de Rebollar, de
Lloriana (Uviéu). Esta diose a conocer nel Campu San Francisco. Acababa
Vicente Mirinda de cantar maxistralmente'l "solo":
-Yá va cayendo la tarde/yá faen sombra les macones/- col
Orfeón vetense, cuandu la moza Patricia de Rebollar allanzó al
ruedu y cantó: Soy del concejo de Oviedo Y vivo en el Rebollar
parroquia la de Loriana, a la sombra de la rama.
De "La Busdonga" yá diximos dalgo, pero voi añadir
daqué más: "La Busdonga" entamó cantando con
too: pasodobles, cuplés y fasta flamencu. Les primeres grabaciones daten
de 1925 ó 26. Foi, ensín dubia, la intérprete más
solicitada poles cases discográfiques. Los sos discos foron inclusu pa
crear "escuela". L'aficionada al cantu rexonal tentaba d'imitala,
aprendiéndo del so estensu repertoriu temes comu "Anda y
señálame un sitiu", "Carretera de Colloto",
"Nel roncón traigo Asturies", "Canteros de
Covadonga", "Para castañes, Tremañes",
"Carromateros", "Al pasar pol puertu" y "Los mineros
del Fondón". Una importante coincidencia averó a "La
Busdonga" a Baldomero Fernández, qu'arriqueció I so
repertoriu con numberosos temes y amás acompañóla al pianu
en "Pasé el puertu Payares", "Al pasar pol Puertu",
"Aquellos bueyes" y "Canciones d'arrieros"...
Tien otros 10 temes acompañaos pola gaita del so hermanu Angel y otros
10 más, ensin acompañamientu de gaita.
(Continuara.....)
|
