| Concentración de rechazu
28/9/2000 (Redacción)
La Xunta pola Defensa de la Llingua
Asturiana tien convocada na Plaza'l Xeneral Riego d'Uviéu, una
concentración a les ocho la tarde en protesta pola decisión del
Congresu los Diputaos refugando la creación de la Llicenciatura en
Filoloxía Asturiana. El lema ye ¡Yá valió!
Asturies merez respetu. Filoloxía Asturiana agora. La
concentración cuenta col sofitu de tolos partíos políticos
con representación na Xunta Xeneral del Principáu (menos del PSOE
y el PP), de gran parte de los sindicatos (CC.OO., UGT, USO, CSI y SUATEA), y
de tolos Conseyos de la Mocedá del Principáu. La convocatoria de
la Xunta ye l'entamu d'una campaña de movilizaciones contra la
decisión del Congresu.
Llamamientu del
Departamentu de Filoloxía Española al Rector
28/9/2000
Estimáu Sr. Rector de la Universidá d'Uviéu:
Pela presente, esti Departamentu de Filoloxía Española tien a
bien tresmiti-y la so esmolición ante los sucesivos retrasos y
dificultaes que ta sufriendo la tramitación pa l'aprobación de la
Llicenciatura en Filoloxía Asturiana, encamentándo-y que, na so
condición de máximu representante de la nuestra
Universidá, nun aforre esfuerzos na defensa de los intereses de la
institución, evitando los perxuicios qu'esta situación ta
xenerando pa los alumnos, profesores y investigadores, y garantizando la
credibilidá y autoridá científica de la
Institución.
Manifiestu énte'l
Rector de los Profesores de Filoloxía Asturiana
28/9/2000 Estimáu Sr. Rector de la Universidá d'Uviéu:
Los que suscriben esti escritu, profesores de materies de Filoloxía
Asturiana de los Departamentos de Filoloxía Española,
Filoloxía Románica y Didáctica, ante la situación
creada pola Comisión d'Educación y Cultura del Congresu de los
Diputaos negándo-y l'apoyu a la Xunta Xeneral del Principáu nos
trámites pa la Llicenciatura en Filoloxía Asturiana, y
desautorizando a la Universidá d'Uviéu en procesu, queremos
manifesta-y:
-En primer llugar, la nuestra esmolición al ver que, otra vegada, los
acuerdos de la Xunta de la Facultá de Filoloxía y de la Xunta de
Gobiernu de la Universidá d'Uviéu fáenlos de menos
instancies que tendríen que los tener en cuenta y respetalos.
-En segundu llugar, queremos face-y llegar la nuestra indignación al
comprobar otra vegada que los argumentos remanaos pa esi refugu non solo nun se
basen en nenguna argumentación científica nin mínimamente
razonable, sinón qu'amás suponen un menospreciu a
l'autoridá científica de la Facultá de Filoloxía y
de la Universidá que Vd. preside, qu'arriendes de proponer la
criación de la mentada Llicenciatura, reconoz-y al asturianu la so
categoría de llingua nel artículu 6 de los los Estatutos, y, pa
detrás, ofrez asignatures y Titulaciones Propies baxo esa
denominación, amás de cuntar con places de profesores titulares
que respuende a esi perfil.
-En tercer llugar, queremos recorda-y que, al nuestru paecer, nesti asuntu
sobren otres considerances que nun seyan la defensa de los acuerdos de la
Universidá d'Uviéu y la so autoridá científica y
profesional. En definitiva, la defensa de los intereses universitarios,
acordies colos sos Estatutos y col conteníu de la vixente Llei d'Usu y
Promoción del Bable/Asturianu, que nel so artículu 17 refierse al
inescusable papel de la Universidá d'Uviéu na formación
del profesoráu de llingua asturiana.
-En cuartu llugar, treslladámos-y la sensación d'inseguranza
qu'estos fechos nos provoquen si nun permedia una actitú resuelta pela
so parte, pues faen dudar de la posibilidá de que la Llicenciatura en
Filoloxía Asturiana entame a funcionar nun futuru cercanu, col trestornu
de mena académica, llaboral y social qu'ello trayería, ensin
escaecer la mengua de credibilidá que significa pa la nuestra propia
Universidá. Por too ello, encamentámos-y que, asumiendo la
representación que-y correspuende como Rector de la Universidá
d'Uviéu, faiga ante les instancies oportunes los esfuerzos necesarios pa
llograr que la Llicenciatura en Filoloxía Asturiana seya una
realidá nun plazu razonable, mirando de nun defraudar les espectatives
creaes y faciendo valir les razones qu'avalen el determín tomáu
nel so día por esta Universidá. Pela nuestra parte,
asegurámos-y tol nuestru apoyu y collaboración nel so bon facer,
que nun significa otra cosa que garantizar la normalidá de la vida
universitaria.
Comunicáu del
PAS28/9/2000
El PAS manifiesta su indignación y
rechazo por la postura adoptada ayer en el Congreso de los Diputados de
España contra el asturiano y los asturianos, al haber rechazado una
proposición no de Ley para poner en marcha la Licenciatura de
Filología Asturiana. Una vez más, PP y PSOE han vuelto a mostrar
su verdadera faz antiasturiana y han vuelto a pegar una patada en el culo a sus
votantes. El PAS quiere, llamar a la reflexión a los votantes de estos
partidos, para que caigan en la cuenta que con su voto contribuyen, año
tras año a mantener a quienes desprecian sus señas de identidad y
les dan patadas en el culo. El PAS llama la atención sobre el hecho de
que, en teoría, se podría estudiar Catalán, Vasco o
Gallego en la universidad asturiana, y no asturiano. El PAS denuncia la actitud
sistemáticamente antiasturiana de los partidos nacionalistas "del
fin de la historia", que siempre votan contra los intereses asturianos y
sus señas de identidad, con la intención de tener el monopolio
del particularismo en el Estado español. Finalmente, el PAS vuelve a
realizar una llamada a la reflexión a los votantes no
madrileñistas de PP y PSOE para que reflexionen y piensen si merece la
pena alimentar con sus votos a quienes, sistemáticamente, se ríen
de ellos y de sus más profundos sentimientos, porque, en el fondo, los
desprecian.
Reaición de la
Xunta pola Defensa de la Llingua Asturiana21/9/2000 (Redacción)
La Xunta pola Defensa de la Llingua Asturiana
quier facer pública la so indignación ante la negativa del
Parlamentu Español representáu, nesti casu, na so correpondiente
comisión d'educación, a apoyar la creación de la
especialidá de Filoloxía Asturiana na Universidá
d'Uviéu. Depués qu'esta cuestión fora respaldada pola
Universidá de Uviéu y con llamativa unanimidá na Xunta
Xeneral del Principáu d'Asturies, Izquierda Xunida presentaba en Madrid,
ayeri 20 de setiembre, una proposición non de llei na que se
debatía tan importante asuntu pal procesu de normalización de la
Llingua Asturiana.
L'autodenomináu "Bloque Constitucional", PP-PSOE votó
en contra, incumpliendo dafechu lo qu'aflta la Constitución no referente
al patrimoniu llingüísticu, esto ye, que gozará d'especial
respetu y protección. Con ello demuéstrase'l nulu pesu politicu
de populares y socialistes que lo qu'aprueben n'Asturies refúguen-yoslo
en Madrid.
Per otru llau, entiéndese qu'IX cometió un error tácticu
al preparar la iniciativa ensin el correspondiente trabayu de consensu y, pa
finar, hai qu'agradece-yos a nacionalistes como CiU o el BNG que son a negar
p'Asturies menos de la mitá de lo qu'esixen pa les sos propies
comunidaes. La Xunta pola Defensa de la Llingua Asturiana ta valorando entamar
movilizaciones énte la gravedá d'esti nueu ataque contra la
llingua d'Asturies.
Andecha
retruca22/9/2000
Con rellación a la refuga que’l
Congresu español fizo de la propuesta d’IU sobro una llicenciatura
en Llingua Asturiana, Andecha Astur fai públicu’l presente
comunicáu. Izquierda Unida presentó esta iniciativa nun Congresu
español que sabe con una mayoría asoluta del PP, que yá
tien bien prebáu’l so calter españolista y la so falta
respetu a los drechos del Pueblu Asturianu. Y con un PSOE del que conoz
perfechamente la so allianza táutica col espansionismu gallegu pa la
disgregación del movimientu llingüísticu asturianu.
Al conocer estes circustancies, IU demostró que, con tal d’evitar
el so propiu desastre comu partíu políticu, ye capaz
d’empobinamos a cualisquier abisu y de poner n'evidencia a Asturies
sólo pol so propiu porgüeyu políticu. La meyor preba
d’ello ye qu’IU prefirió poner al Pueblu Asturianu delantre
d’una derrota cierta y publicitada, enantes que desixir a los sos propios
alcaldes y conceyales n’Asturies que condicionen el so poder municipal a
una oficialidá non sólo nominal, sinón acompangada
d’una política rial de normalización
llingüística y d’unes normatives municipales que garanticen
dafechamente los drechos llingüísticos de los asturianos.
Sólo d’hipócrita se pue calificar la política de
quien desixe a los demás lo que nun prautica él mesmu. Lo cualo
ye muncho más grave entá si, amás, marafundia cosciente ya
interesosamente’l potencial políticu de la vindicación
llingüística n’Asturies. Per otru llau, lo asocedío
confirma la invalidez del marcu xurídicu-políticu
qu'anguañu carez Asturies. La nuesa nación necesita superar con
urxencia'l marcu definíu pola Costitución y l'Estatutu.
Porque nun ye democrático que se llende d'esta miente la capacidá
soberana d'Asturies pa determinar el so futuru, tanto na defensa la so
identidá cultural comu en cualisquier otra estaya. Los fechos confirmen
que'l BNG prautica una tosca política espansionista sobro Asturies. Esti
partíu argumentó la so astención na votación,
diciendo qu'enxamás sofitará iniciatives que "dividan el
mapa llingüísticu gallegu", afitando la so política de
vindicar la supuesta galleguidá d'una bona parte d'Asturies. Estes
argumentaciones del BNG nel Congresu español son la meyor preba de que
la denuncia que venimos faciendo hai tiempu: l'espansionismu galleguista sobro
Asturies ye irretrucable. Esta rialidá sólo la ñega'l
propiu BNG y quienes táuticamente s'allíen con él pa
disgregar el movimientu vindicativu llingüísticu asturianu.
El BIA unvia un
comunicáu22/9/2000
El Bloque de la Izquierda Asturiana denuncia
l'actitú de los partíos de PSOE y del PP que güei pela
mañana tornaron el pasu al apoyu pa que s'incluyan los estudios de
Filoloxía Asturiana ente les carreres de la Universidá
d'Uviéu.
Dende'l BIA nun podemos atopar calificativos que sían a espresar la
nuesa indignación por esti atropellu, abusu y humillación que'l
Parllamentu Español ta acabante propinar non solo a la llingua asturiana
sinon a tol pueblu asturianu, al Parllamentu d'Asturies y a la
Universidá d'Uviéu, desautorizando colos sos votos un clamor y
una petición que ta cuantayá asumida pola sociedá
asturiana y que con un incomprensible actitú antidemocrática los
partíos que dicen representanos niéguennos escandalosamente.
Dende'l BIA llamamos a les organizaciones cíviques de defensa de la
llingua asturiana a da-y una respuesta afayadiza a esta agresión
inxustificable y manifestamos el nuesu apoyu y collaboración con
cualquier acción o actu que s'entame pa que'l PSOE y el PP oyan la voz,
una vegada más silenciada, de la sociedá asturiana.
|
