Canal Blogues

Scobielha ou scobilha

froles mirandesas - fai 10 hores 2 min


 Quando remexie ne l miu baul (fecheiro) de ls retratos, tengo uas buonas centenas deilhes, quedei-me neste, talbeç por causa de la scobielha (scobilha).

 Mas biendebre me benírun ua semba de nomes a la cabeça tales cumo: casa de l forno, boca de l borno, rodo, ranhadeiro, farina, farelos, penheirar, penheiras, masseira, baras de la masseira, fogaça, molete, formiento, massa, roscos, i cumo nun puodie deixar de ser a este patrimonho stá agarrado l mais amportante, l houmano, la panadeira, (ne l miu tiempo, l ouficio de cozer pan só se fazie por ties) que tenie l saber, conhecimiento, spriéncia de cun estes objetos fazer l milagro de l pan para quemer.

 La scobielha, agarrou este nome por causa de se fazeren de scobas, mas esta i las demais que s'ousában éran feiras de barcegos, que se criában i crían ne l termo, la sue rama asparecesse a filamiento i apuis de seca barrie mui bien la masseira.

 Nun sei bien porquei, mas l mais de la bezes, estes teçtemunhos registrados an eimaiges, púxan cousas buonas i malas, cumo l pobo diç queluobras i lhagartos. I miraba, you oulhei pa la scobielha i dixe acá pa ls mius botones, que falta fazie agora ua panadeira, para barrer toda esta çuijeira que por ende bai, mas se calha cua scobielha nun era capaç, talbeç un ranhadeiro ou un rodo.
 I pronto, cumo diç l pobo, "balhamos ua albarda". AC


Categoríes: Canal Blogues

Presentación de l’antoloxía “Poética de muyeres 2014″

Inaciu Galán y González - fai 10 hores 34 min

Esti miércoles, 26 de payares a les 19:30 na sala d’actos de la Caxa Rural de Xixón, nel Paséu de la Infancia, cabo la Casa Rosada, voi ser l’únicu home na mesa na que se va presentar esti llibru, una antoloxía d’Helena Trexu titulada Poética de muyeres 2014. El llibru, asoleyáu pol Grupu EPONA y que tien un guapu diseñu de Violeta Mateu, ye como dexa a les clares el títulu, una antoloxía de lliteratura asturiana fecha por muyeres. 28 voces contemporanees qu’apaecen una década más tarde de l’anterior “Antoloxía de muyeres poetes asturianes S.XX. Antoloxía de les muyeres poetes d’anguaño” (Epona, 2003) con munches voces nueves que falen de la importancia de la muyer na lliteratura d’anguaño.

Nel actu participarán, amás de l’antologadora y gran parte de les autores antologaes, Naomi González Suárez, poniéndo-y música a la poesía cola viola. ¡Espérovos ellí!


Categoríes: Canal Blogues

10 años del primer premiu lliterariu por un testu n’asturianu

Inaciu Galán y González - fai 11 hores 9 min

Güei cúmplense diez años del primer premiu lliterariu que recibí por un testu n’asturianu. Yera 24 de payares y llamábenme del periódicu anguaño yá despaecíu  La Voz de Asturias. Quedare en segundu puestu con “La viesca n’ochobre” nel II Concursu de Microrrellatos Minimorum. Recuerdo que naquella entrega conocí al ganador del primer premiu con “Ente’l Carrión”, Rafa R. Valdés.

Aquello sirvióme como primer impulsu p’animame a siguir escribiendo. Güei, xusto 10 años y 24 premios más tarde, toi satisfechu del camín andáu y agradecíu a toles instituciones, entidaes y persones que m’otorgaron estos premios en tantos llugares y colos que tuvi siempres guapes esperiencies nes entregues y dempués, conociendo a xente escepcional y esmolecío pola cultura y la llingua d’Asturies, en Xixón, Siero, Piloña, Uviéu, Estorga, Madrid, Ayer, Avilés, Grau… Gracies a toos.

Prestábame recordar esta fecha y celebrala de dalguna manera regalándovos aquel microrrellatu ganador:

La viesca n’ochobre

Segundu premiu nel II Concursu Microrrellatos ‘MINIMORIUM’ de LA VOZ DE ASTURIAS.

El ruxir de les escopetes que me siguíen a toa mecha, retumbaba nos mios oyíos. Na fuxida desesperada adientréme nuna viesca, un llugar qu’ochobre enllenare de fueya seco y l’odiu, de sangre inocente. Los cadabres diben acumulándose y escondíme tres d’un gruesu carbayu intentando evitar aquel murniosu destín. Ellí, entruguéme qué facía detrás d’aquel carbayu, por qué lluchaba contra iguales, qué me llevare a aquello. Los tiros siguíen ruxendo una y otra vegada, ¡bum! ¡bum! ¡bum!, aquel ruíu dexábame sordu y aquel odiu, ciegu. N’Asturies, los ríos de sangre arrastraren con ellos la dignidá de la xente, el valor de la vida… Y los tiros pararon, el sangre dexó de correr, caún enterró los sos muertos, y toos –los que quedamos– tornamos a sobrevivir.

Noticia en La Voz de Asturias


Categoríes: Canal Blogues

Xosé Antón González Riaño, escoyíu Vicepresidente de l'Academia de la Llingua Asturiana

Falar y lleer - fai 11 hores 43 min
Según anuncia la institución académica nuna nota prensa.
Na xunta estraordinaria de l’Academia de la Llingua Asturiana celebrada n’Uviéu’l 21 de payares de 2014, el plenu de la mesma elixó como Vicepresidente de la Institución al Académicu Don Xosé Antón González Riaño, profesor titular de la Universidá d’Uviéu, responsable de formación de la Institución y direutor de la Universidá Asturiana de Branu (UABRA).
Tal como despliquen dende l'Academia de la Llingua Asturiana, eti puestu quedare vacante tres la muerte, n’agostu de 2013, del profesor Don Miguel Ramos Corrada, que viniere desempeñando esti cargu nos últimos mandatos.Fonte: Infoasturies
Categoríes: Canal Blogues

"PODEMOS, primera fuerza"

Atlantic Prau - fai 21 hores 20 min

Encuesta de Sigma 2 qu'espubliza mañana llunes el periódicu El Mundo.

Categoríes: Canal Blogues

La Griega, La Villeda, El Sueva, Vistalegre

El blog de Xuan Xosé - 23 Payares, 2014
El 06/11/14. El sable La GRiega, na parte derecha, Vistalegre. Detrás de La Griega, La Villeda, onde hai un castru. Al fondu, El Sueve, 
Categoríes: Canal Blogues

L'irresistible encantu de la concertada.

Atlantic Prau - 23 Payares, 2014

La demanda n’aumentu de los colexos privaos sobvencionaos obedez a les diferencies sociales ente alumnos y families d’estos centros y los sos homólogos de los públicos. Eso amuesa un estudiu de dos espertos que camienten qu’esti problema va aumentar cola LOMCE.

David Artime / Periodista.

Un día abres La Nueva España y alcuentres una clasificación de colexos ya institutos según les notes medies de los sos alumnos, como si se tratara d’una competición deportiva. Los llectores fíxense nos meyores, probablemente munchos d’ellos concertaos, y tomen nota pa matricular a los sos fíos al añu siguiente.

Manuel Muñiz Pérez describe una hipotética situación análoga a ésta ente sorrises, tranquilamente, tomando un café nuna terraza d’El Carbayeo (Avilés). Pero l’asuntu nin lu tranquiliza nin tampoco-y fai gracia. Sabe de lo que fala, y non solo porque seya padre de dos alumnos de Primaria y miembru del so Conseyu Escolar, sinón porque amás ye profesor d’Economía de la Universidá d’Uviéu, especializáu n’Economía Aplicada a la Educación, y lleva 14 años faciendo estudios y publicando artículos sobre la eficiencia y la calidá educativa.

L’últimu apaeció va añu y mediu, y los sos ecos tovía resquemen en despachos universitarios y pasiellos docentes. Titulábase “Colegios concertados y selección de escuela en España: un círculo vicioso”. Firmábalu en xunto col tamién profesor y economista Roberto Llera na revista Presupuesto y Gasto Público, y les sos conclusiones, desgraciadamente, na so opinión, ponles de rabiosa actualidá la Llei Orgánica pa la Meyora de la Calidá Educativa (LOMCE), más conocida como “Llei Wert”.

“Nun hai igualdá de condiciones ente’l tipu d’alumnáu de los colexos públicos y de los concertaos y, por tanto, nun puen competir d’igual a igual”, señala Muñiz. Y ye precisamente esa palabra, “competir”, la madre’l corderu. Nel so títulu VIII, la LOMCE establez la realización de reválides esternes en cada fin de ciclu y la publicación de los resultaos de cada centru, los llamaos rankings. L’estudiu recueye que la ellaboración de clasificaciones de colexos a partir de resultaos de pruebes comunes ye una “demanda tradicional” de la concertada, pues alcontrámonos efectivamente con meyores resultaos en promediu nos colexos concertaos que nos centros públicos. Sicasí, el motivu nun ye, según esta investigación, una meyor calidá de la ufierta educativa concertada, sinón que les escueles públiques acepten un porcentaxe mayor d’alumnos con dificultaes del llinguaxe, necesidaes especiales o procedentes d’un entornu social menos aventayáu. “Nun pue comparase a un colexu con alumnos d’estracción social obrera con unu del centru d’Uviéu, onde munchos padres son médicos o abogaos”, matiza Muñiz.

Na so opinión, la realidá ye testerona y los datos ehí tán. “El 90% del alumnáu xitano ta en centros públicos”, exemplifica. Pero’l so trabayu ufierta otros datos. Na concertada asturiana, por casu, un 52,7% de los alumnos son fíos de padres con ingresos mensuales superiores a los 1.800 euros al mes, frente a un 29% na pública. Amás, el 64,7% de los padres de la concertada tien un oficiu cualificáu, un porcentaxe que baxa al 33,9% na pública. Otros datos señalen, ya a nivel de tol Estáu, que nos concertaos los padres con estudios universitarios son casi’l doble que na pública, onde malpenes superen el 20%. L’autor fai referencia a abondos analises que demuestren que, restando’l factor de diferenciación del entornu social de los alumnos, los resultaos académicos d’unos y otros son asemeyaos o hasta lixeramente superiores na pública.

Alerta que los meyores centros d’esos rankings van recibir más fondos, pero, amás, les llistes de puntuaciones van ser públiques “pa que los padres lo sepan”. Ehí ye onde ta’l gran “peligru” d’esti sistema de clasificaciones. Los númberos van atrayer a munchos proxenitores de la pública hacia la concertada y “nun va facer más qu’afondar na segregación social ente una y otra”. Esto nun ye nuevo. Ello ye que’l so estudiu yá reflexa un enclín favorable a los centros concertaos. Asina, ente 1990 y 2011, mientres l’aumentu d’unidaes en centros públicos en toa España foi d’un 30,4%, na privada y concertada foi d’un 45%.

Nesti momentu, hai un 68,3% d’unidaes na pública y un 31,7% na privada y concertada, diferencia que según Muñiz tiende a amenorgase. Ello ye que baxa en Comunidaes gobernaes pol PP y el casu más claru ye’l de la de Madrid, onde les unidaes de privada y concertada en 2011 yá yeren el 48%. Casu contrariu sería’l de llugares como Estremadura (18,2%), Castiella La Mancha (17,6%) o Asturies (26%), toes elles naquel momentu gobernaes pol Partíu Socialista. Y too ello nótase nel gastu: el porcentaxe de presupuestu público non financiero pa educación non universitario destinao a conciertos y sobvenciones de la escuela privada aumentó d’un 12,77% en 1992 a un 15,97% nel 2009 a nivel estatal.

L’“efectu compañeros”

El creciente enclín hacia la concertada de munchos padres nun ye, según plantega l’estudiu, porque seya meyor, sinón por otres dos razones: de primeres, porque alumnos que s’arrodien en clase de compañeros que saquen bones notes y permiten un trabayu prestosu van tener más posibilidaes d’éxitu educativo, lo qu’él denomina “efectu compañeros”; y en segundu, porque “les redes sociales y de contactos personales que creen los mozos na escuela colos sos compañeros (y les sos families respectives ente sí) van afectar a la so futura posición cultural y socioeconómica. Influencia que pue ser positiva (si falamos de compañeros de bona posición social o de padres de mediu altu nivel cultural) o negativa (si consideramos como futuros compañeros a mozos que provengan de colectivos desfavorecíos, con problemes de deprendimientu o families de baxu nivel socioeconómico y cultural)”, cita’l so estudiu. Na so opinión, la publicación de les clasificaciones de centros que plantega la LOMCE va valir p’agravar esta situación.

Pero nun son los rankings l’únicu aspectu que beneficiaría a la concertada, según l’investigador. Otru sería la implantación de la relixón como asignatura evaluable, dao que les trés cuartes partes de los privaos y concertaos qu’hai n’España son relixosos. Diz que comentó en dellos congresos internacionales a colegues alemanes o suecos que n’España la relixón va puntuar lo mesmo que matemátiques “y echáronse a rir”. Anque la situación actual, antes de la llei, tampoco ye del so gustu: “A los mios fíos, como nun dan relixón, a la hora d’esta asignatura oblíguenlos a xugar al parchís, porque si aprovechen la hora pa enseña-yos daqué, anque nun seyan conteníos curriculares, entiéndese que se ta discriminando a los que sí dan relixón”.

Tamién señala la cláusula sobre la cesión de suelu público en condiciones favorables pa la implantación de colexos concertaos de nueva creación, “anque haiga places públiques”; el “blindaxe” de los colexos que segreguen por xéneros, o l’ampliación del plazu de renovación de conciertos de 4 a 6 años. Y, a lo último, un detalle, non de la LOMCE, por ser de competencia autonómica, pero que defende a ultranza’l Partíu Popular, n’Asturies concretamente al traviés de la so diputada autonómica Susana López Ares, firme partidaria d’ello: el llamáu distritu únicu, esto ye, la famosa llibertá d’elección de centru.

Será’l centru’l qu’escueya al alumnu

Ye lo qu’a lo último diba facer posible, dende’l puntu de vista de Muñiz, que mientres dellos centros nun cubran places, otros, principalmente concertaos, tendríen escesu de demanda. ¿Y qué pasa cuando hai escesu de demanda? El profesor tiénlo claro: “El qu’acaba escoyendo nun ye’l padre, sinón el centru”; y anque nun sería llegal, recurre a un vieyu refrán español pa esplicase: “Fecha la llei, fecha la trampa”. Exemplifica con dellos casos de centros que conoz y, anque nun da nomes, oyéndolos nun resulta difícil imaxinar xerséis con escudu bordáu y crucifixos enriba l’enceráu. “A lo meyor, cuando vas matricular al to fíu, dícente que ye gratis, pero que’l serviciu de tresporte tienes que pagalu porque ye obligatoriu, anque vives a cien metros. N’otru, puen persuadite pa que deas un donativu, porque anque nun seyan obligatoriu tolos padres lu dan”.

El so estudiu acaba demandando que l’Alministración Pública defenda “la igualdá plena nel accesu a tolos centros calteníos con fondos públicos”. Pero l’Alministración Pública estatal lo que fizo ye una llei que, pa esti profesor, “ye una chambonada, tremada de parches ideolóxicos” y que beneficia a la enseñanza privada y concertada.

Pero la realidá vuelve ser testerona. Basta con tirar d’hemeroteca p’alcontrar noticies del presidente patronal de la concertada, CECE, Antonio Rodríguez-Campra, criticando numberosos aspectos de la LOMCE, como carencies na financiación o la non xeneralización del distritu únicu. Muñiz, sicasí, nun lo cree del too: “A nengún colexu concertáu lu obliguen a ser concertáu. Si lo son, ye porque-yos interesa”. Y lo cierto ye que, tirando un poco más d’hemeroteca, vuelve salir Rodríguez-Campra, diciendo que la LOMCE ye necesaria, que nun tendría qu’haber otra reforma dempués y que, anque nun ye la reforma qu’él fairía, “ye meyor que les anteriores”. Igual tamién se-y pue aplicar al líder de CECE otru vieyu refrán español: “Nun muerdas la mano que te da de comer”.

ESPUBLIZAO N'ATLÁNTICA XXII N. 34, SETIEMBRE 2014

Categoríes: Canal Blogues

Nueva xirigoncia del Principáu

Falar y lleer - 23 Payares, 2014
Les bases que van regular les subvenciones a Conceyos pa la merca de llibros n’asturianu son una auténtica xirigoncia.El pasáu 11 de payares el Boletín Oficial del "Principado" asoleyaba una resolución de la Conseyería d’Educación, Cultura y Deporte pola que s’aprobaben les “bases reguladores de la concesión de subvenciones pal incrementu bibliográficu y l’adquisición d’obres publicaes n’asturianu por parte d’entidaes locales que sían titulares de bilblioteques integraes na Rede de Biblioteques del Principáu d’Asturies”. Con estes bases tienen l’enfotu de regular les convocatories añales que, supuestamente d’equí p’alantre, se dirán asoleyando pa que los Conceyos merquen llibros n’asturianu.Los oxetivos d’estes ayudes son los de de facilitar la constitución d’un fondu bibliográficu en llingua asturiana y l’accesu de la población asturiana a la llectura de les obres escrites n’asturianu d’una manera gratuita pa la ciudadanía. Sicasí, dende N’Ast nun somos a pescanciar el conceutu de ciudadanía que manexa la Conseyería Cultura, porque una de les condiciones que se ponen pa tener drechu a subvención ye que l’adquisición de les obres habrá de facese n’establecimientos de comerciu minorista de llibros (llibreríes) que los sos puestos de venta al públicu tean allugaos nel conceyu solicitante de l’ayuda.Ello ye, que munchos Conceyos nos que nun hai llibrería –Bimenes, Cabranes, Samartín d’Ozcos, Pezós, Sariegu, Yernes y Tameza…– nun tendríen opción nenguna a recibir la subvención nin, siempres según los dimpuesto pola Conseyería Cultura, los sos vecinos y vecines a esfrutar, de baldre, de la llectura d’obres n’asturianu nes sos respeutives biblioteques o centros de llectura. Poro, dende N’Ast queremos calificar de tomadura de pelo les presentes bases reguladores y empobinar a la señora conseyera a camudales pa que tola ciudadanía pueda beneficiase d’estes ayudes.Fonte: N'Ast
Categoríes: Canal Blogues

consumu, escueyi vida

xabel diz: - 23 Payares, 2014

Xabel diz qu’ayeri tuvo viendo un programa sobro ropa barato, cómo se facía, cómo se distribuyía, cómo se vendía, por qué se vendía tanto… entrugues con respuestes yá formulaes cuantayá por pensadores como Baudrillard en “La sociedad de consumo. Sus mitos, sus estructuras” Tamos nuna sociedá de consumu y la primera de les motivaciones inculcaes, [...]

Categoríes: Canal Blogues

Arreyos al Diccionariu asturianu-castellanu (CLXII)

El blog de Xuan Xosé - 23 Payares, 2014

Sigo colos arreyos y modificaciones al mio Diccionariu asturianu-castellanu. Les novedaes, en gris.
lince, m. Mamífero felino con las orejas puntiagudas,  semejante al gato. Su nombre científico es Lynx lynx. || Ser un lince o como un lince, ser muy avispado.liña, dial. V. lliña y llinia.
lintel, m. Dintel, pieza superior de la puerta ,  de la ventana o de otros huecos que carga sobre las jambas. lique,m. Liquen, plantacriptógrama que se forma al asociarse un hongo con un alga.liscar, v.in tr. Salir corriendo. || 2. Largar, partir de un sitio con prisas o de mala manera.

Categoríes: Canal Blogues

La estaya d’educación de la CSI pide que se tengan en cuenta les titulaciones d’asturianu y gallego-asturiano nos baremos a les oposiciones

Falar y lleer - 23 Payares, 2014

La CSI denuncia que l’Alministración torne a escluir les llingües d’Asturies nos baremos pa les oposiciones.
Otra vegada más l’asturianu torna a ser infravaloráu quedando fuera de xuegu nos procesos de baremación pal ingresu de los cuerpos docentes qu’alcordaron y pactaron FETE UXT y ANPE xunto a l’Alministración xestionada pol PSOE. Nesti alcuerdu queden fuera les titulaciones d’espertu en llingua asturiana y les de gallego asturianu qu’imparte la Universidá d’Uviéu.
Según indiquen dende la CSI nel so comunicáu, estes dos especialidaes quedaríen fuera de l’apartáu de formación académica, onde en cambiu si que  diríen el restu de llingües oficiales de l’Estáu español y llingües estranxeres como l’inglés entre otres, cuntando toes elles pa la baremación pal procesu d’accesu a los cuerpos docentes del sistema educativu asturianu.
Amás, dende’l sindicatu esixen qu’esta situación se igüe d’una vegada y que nun se sigan infravalorando nin despreciando les llingües d’Asturies, pidiendo la creación de la especialidá docente de Llingua Asturiana y Gallego-asturiano asina como la convocatoria d’oposiciones pa les mesmes. Tamién piden que se faiga la declaración d’oficialidá de dambes llingües como igüa a esti problema que se lleva sufriendo dende va años y finar coles torgues al drechu de falar, enseñar y deprender les llingües d’Asturies.
Fonte: Infoasturies
Categoríes: Canal Blogues

Fervinchu

El Regatu - 22 Payares, 2014

Categoríes: Canal Blogues

Asturies

El Regatu - 22 Payares, 2014

Categoríes: Canal Blogues

El VII Outono en Bual pecha el cartel con certos, conferencias, talleres, gastronomía, productos del país y esposicióis

Falar y lleer - 22 Payares, 2014
   Cartelu  del VII Outono en Bual
   As xornadas culturales conocidas como Outono en Bual que s’han a celebrar en Bual (Asturias) entre el venres 5 y el sábado 6 de decembre, pechan el cartel d’este 2014 con abondos concertos, conferencias, talleres, gastronomía, productos del país y esposicióis.
   El venres 5, a xornada vei empezar ás 19:00 na Casa da Cultura de Bual, unde a organización y úa representación del conceyo van presentar as xornadas y as dúas esposicióis qu’han a tar colgadas durante todo el festival: úa d’Andrés Rodríguez Monteavaro, titulada «Paisaxes postindustriales: úa mirada al patrimonio esqueicido» y, outra, de Sveta Poutilina, col título «Torbón de llume / Огненный дождь».
   Despóis d’estos actos de presentación y benvida, ha a chegar a música, da mao del grupo de folk gallego A Carricobanda. É a primeira vez qu’este conxunto vén a Asturias y nun vei ser el última, porque el guitarrista é Roi Sampedro, músico da antiga formación bualesa Mezá.
   Pral sábado 6, a xornada vei tar mui concurrida, xa que dende a mañá vei haber ben actividades, que s’han a prolongar hasta entrada a noite. Lo primeiro vei ser el taller de cestas de bringa, a cargo de Verónica Álvarez, de Lláscara Xeoturismu y Desarrollu Rural, que vei enseñar al público cómo se fain as tradicionales paxas de toda a vida con texido vexetal. Despóis, de tarde, ás cuatro y media, Ramsés Ilesies ha a puer al público dereto y en danza col sou taller sobre baile tradicional da zona Navia-Eo, nel que van poder participar tanto grandes como pequenos y pral que nun se necesitan nocióis d’este tipo de bailes pr’asistir. Condo remate este pequeno curso d’introducción ás danzas tradicionales, a Casa da Cultura ha a contar con Llorián García, que vén a Bual a dar úa conferencia titulada «Gaitas ouguidas, gaitas escuitadas. Celtismo, disciplina corporal y redefinición da escuita nel fenómeno das bandas de gaitas asturianas», que nun ha a deixar indiferente a naide y que vei sobre todo dirixida a músicos tradicionales y a todo el público que quira conocer a filosofía d’úa banda de gaitas.
   Despóis da xornada de tarde, el Asociación Xuvenil Mezá ha a ter preparada a cía. Este ano, y despóis del ésito del edición anterior, vei haber un comedor popular nel que se van poder degustar productos del país y da terra ben cociaos. Haberá menú «omnívoro» y vexetariano pra todos os gustos y os vales han a poder comprarse durante todo el Outono.
   Pr’acabar el día, ás 23:30, van empezar os concertos nel Helenias da Frieira de Bual. Este espacio é úa novedá pras astividades na villa bualesa, xa qu’hai muitos anos que nun s’organiza nada neste antigo edificio que foi cine y teatro y que tantas festas armóu durante el siglo xx. Os primeiros en tocar van ser Os Pampirolos, el grupo de gaitas de Grandas, que xa tocaron el ano pasao en Bual y que son os culpables del famoso «Legao del Galo», que tanto trunfóu nas redes sociales.
   Despóis, Tuenda, grupo de folk asturiano que nun precisa de presentación, con Pepín de Muñalén, Ambás y Elías García. El prato forte ha a ser el grupo gallego Chotokoeu, que vén de dar úa xira por toda Europa y que acaba en Bual el sou periplo continental. El último grupo da noite vei ser Misiva, conxunto de punk-rock de Grau qu’el organización del Outono tía ganas de trer á villa bualesa dende hai dalgún ano.
   A esto, hai que xuntar a novedá da rifa d’úa cesta de productos del país, tanto alimenticios como d’artesanía, valorada en más de 180 euros. As participacióis tán vendéndose y volando nos bares da villa de Bual y el sorteo vei ser el día 7 de decembre. A cesta conta con productos das empresas Embutidos Pico de Fiel, Queixeiría d’Abredo, Queisos Ca Sanchu, Cosmética Terraveya, Cerveza Caleya, Sidra L’Allume, Artesanía Verdenaz, discos y llibros en gallego-asturiano, úa fotografía d’Andrés Rodríguez Monteavaro, ovos de Pitasana, y muitas cousas máis.
   Cumple este mini-festival autoxestionao de música, gastronomía, arte y lliteratura sete anos, dende qu’alló pol 2008 organizara en Bual el Asociación Xuvenil Mezá úas modestas actividades col nome d’Outono Cultural. El fin d’este proyecto é motivar y dar un pouco de vida al occidente asturiano y, sobre todo, espertar as mentes d'aquellos que pasan el día delantre da televisión y da cultura institucional. Tamén, este evento quer ser un acto de reivindicación das dúas llinguas tradicionales d'Asturias, el asturiano y el gallego-asturiano, y por esta razón faise tresversal el uso d’ellas nas xornadas, así como a posta en valor da cultura del país y da súa evolución nel siglo xxi, llonxe d’esteriotipos y de clichés impostos por ningún dogma oficial.
   Os actos van ser de baldre. A cultura asequible pral público é a base da filosofía del Asociación Xuvenil Mezá, que xa conseguíu afianzarse y ferse un furaco dentro das entidades organizadoras d’eventos de relevancia cultural en Asturias.
   Pol Outono xa pasaron noutros anos nomes tan relevantes como Alfredo González, Mapi Quintana, Pepe el Ferreiro, Martxelo Otamendi, Guadi Galego, Pablo Texón, Michael Lee Wolfe, Jacobo de Miguel ou a xente de Felpeyu, Vallarna, Skainhead y La Tarrancha. Esta é úa señal inequívoca de qu’as xornadas que s’han vivir el 5 y el 6 de decembre en Bual xa forman parte da cultura popular asturiana.                                   Fonte: asturnews
Categoríes: Canal Blogues

La Griega, la rimada La Villeda

El blog de Xuan Xosé - 22 Payares, 2014


Y l'arranque del pedréu (en delles partes del añu, sablera, como agora) hacia Llastres.

El 06/11/2014.
Categoríes: Canal Blogues

¿L’aristócrata rebelde?

Trabayu de Campu - 22 Payares, 2014

Hai n’España, y seguro n’otres partes, un interés descomanáu poles vides de  “los famosos”. Siempre lu hubo. Una de les carauterístiques de los famosos: príncipes, princeses, nobles d’un o otru pelaxe (munchos d’ellos procedentes de paises republicanos, o seya que nun esisten), xunto con actores, artistes, modistos, cocineros de moda, arquiteutos de rellumbrón, torerillos, etc. etc. ye que se llucen en fiestes y saraos y, en munchos de los casos, venden parte o toa la so intimidá pa eses revistes llamaes “del corazón”. Dende va un tiempu, abeyen tamién nesos círculos unos famosos probes, surdíos del propiu sistema del “famoséu”, cuyos méritos nun algamo a ver mui bien, masque salgan un día na tele por dalgún escándalu o por tar arrimáu a dalgún de los otros. El casu más paradigmáticu ye’l d’una señora a la que-y punxeron el nomatu de: “la princesa del pueblu”, y cuyu méritu únicu yera l’haber tenío un fíu con un torerillo qu’actuaba más nos platós que na plaza. Esi pueblu, al que se refier el nomatu, son esa xente que nun suel tener vida propia, y vive namás pa “tragar” toles babayaes que faen, un día sí y otru tamién, los famosillos de turnu. Vamos, lo que don Antonio bautizó mui diestramente como “la España de charanga y pandereta”, y otros menos diestros avezamos a llamar “el pueblu llanu”.

Nesi entornu acabante describise, llucía con lluz propia la famosa Duquesa de Alba, a quien los sos munchos años nun la dotaron de sabiduría, nin los sos munchos títulos de prudencia, y de la qu’echaben mano los programes y revistes cuando nun teníen otra cosa de qué falar. Lo curioso ye que a esa señora, esi pueblu llanu o con poca montaña, bautizóla como “La aristócrata rebelde”. Porque, dicen, que yera mui “llana”, como una más del pueblu, y arrancábase a baillar por sevillanes o a profesar la so filiación “betica”, o seya, que yera forofa del Betis ,”igual que tu y que yo”.

A min, la susodicha señora, que’n gloria tea, lo que me paecía yera una cosa estravagante e histriónica, a la que nun se-y entendía un res, y que lo que fizo fue “pasar” abondo de los fíos pa facer la so propia voluntá. Pues mui ben. Pues val. Pero yo entiendo la rebeldía d’otru mou. Yo entiendo la rebeldía d’una noble como la de doña Luisa Isabel Álvarez de Toledo y Maura, Duquesa de Medina Sidonia y Grande de España unes cuantes veces, escritora e historiadora, más conocida como la Duquesa “Roja” polos sos enfrentamientos col réximen franquista y col propiu Dictador. Qu’abrió al públicu’l so importantísimu archivu familiar -un de los más importantes d’Europa-, que se punxo a favor de la güelga de los agricultores pola contaminación de lo de Palomares, encabezando una manifestación, que por ello fue a la cárcel onde tuvo ocho meses enantes que llegare una amnistía, y que por escribir un llibru tituláu “La Huelga”, tuvo que marchar d’España enantes de que volvieren a enzarrala. Namás volvió al so país una vez muertu Franco. Tuvo una rellación sentimental cola so secretaria que duró 20 años, y casóse con ella ya in articulo mortis nel añu 2008.

Poro, cuando lleo qu’esi pueblu llanu de les revistes del corazón quier pone-y de nomatu a la Fitz-James Stuart eso de “l’aristócrata rebelde”, éntrame una risa  floxa que nun puedo a evitar. Y ye que, inclusive ente los Grandes d’España, hai tovía clases.

Categoríes: Canal Blogues

La versión asturiana de 'El Hobbit' yá ta disponible en llibreríes

Falar y lleer - 22 Payares, 2014
La primer aventura de John Ronald Reuel Tolkien nel universu fantásticu de la Tierra Media, 'El Hobbit', yá se pue esfrutar n'asturianu. Dende esta selmana ta disponible en llibreríes.Esti apueste de Distribuciones Terrier promete ser un ésitu de ventes pola cantidá de siguidores de Tolkien y pol fechu de ser ún de los llibros d'aventures más conocíos del mundu, qu'agora podemos disfrutar na nuesa llingua. La versión asturiana de 'El Hobbit'  presentóse ayeri na uvieína Llibrería Cervantes y va presentase esta tarde na Llibrería Central de Xixón. Esti eventu va celebrase a les 19 hores.Fonte: Asturies.com
Categoríes: Canal Blogues

Presentación del llibru Poética de muyeres 2014

Tierra alantre, la mesma fala - 22 Payares, 2014

Grupu Epona vuelve editar una antoloxía, a los diez años de la primera, con voces vieyes y nueves de la poesía asturiana.

Na presentación tendrá llugar una llectura de poemes de la mano de les autoes acompangada musicalmente pola viola de Naomi Suárez, música y poeta.

Direición: Sala Caxa Rural Xixón. Cai de la Infancia, 10
Miércoles 26 de payares, a les 19.30
Entrada llibre

(de Falar y Lleer, 21-11-2014)


Categoríes: Canal Blogues

¿Ciencias políticas? ¡No me joda!

El blog de Xuan Xosé - 22 Payares, 2014
Unos tipos que dan clase en la facultad de Ciencias Políticas deberían ser todos puestos a disposición de la justicia por embaucadores. "¿Ciencia política?", como "hierro de madera". ¡No me jodan! Acaso, a lo más, "técnicas de manipulación política", que eso sí.
Categoríes: Canal Blogues

L bien que fai ler

froles mirandesas - 22 Payares, 2014


Quien nun se lhembra destas "carrinhas" que andában pulas aldés de Tras ls montes?

 Buono ls mais nuobos nun se lhémbran cuncerteza destas "bibliotecas eitenerantes", carrinhas adonde ls ninos, ninas i quien quejisse puodien pedir un lhibro, lhebar-lo para casa, ler, cul cumpremisso de l tornar a trazer na próssma besita de la carrinha.

 Dezien que era la "Glubenkien" que staba metida nesta campanha de lheitura i puodo dezir-bos que einiciatibas cumo esta fui l çpertar pa l mundo de muita giente. Acrecento que you que li muitos tengo essa spriéncia, porque ls lhibros transpórtan mos para to ls lhados, alhárgan ls conhecimientos, dan mos saber, i se nun fusse assi nun l podiemos fazer, an nuossas casas nun era cumo hoije, que yá nun tengo adonde poner lhibros, nun habie jornales nien rebistas, por esso lhougo que deixabamos la scuola, deixabamos de cumbibir cun lhibros i lheituras.

 You até chegaba a dezir a mie mai que papel an casa só habie l pardo que ambrulhaba las polbeiras que benien de Spanha.

 Fui un bun ampeço para mi, que agarrei gusto, tengo lhido muito, i cuntino a gustar de ler, l bagar ye que ye pouco, ajunto muitas coleçones, i tengo quaije todo l que se publicou an mirandés.

 Percisamos de ler, de motibar para que ls nuobos agárren este bíçio, ler fai bien a l'alma, quien sabe se ls pertueses líssen mais nun tenimos un paiç mais feliç, assi tenemos l que tenemos.

 I pronto cumo l pobo diç, balhamos ua albarda. 



Categoríes: Canal Blogues

Pages