Canal Blogues

Victoriano Alcalde gana la IX edición del Premiu Adaro de Rellatu Curtiu con "Triste amanuense sin música"

Falar y lleer - 1 Setiembre, 2015
  • L'escritor guipuzcoanu yá recibió esti gallardón va cuatro años gracies a la obra 'Nadia Comaneci y el lluchador de sumu'
  • Na semeya, Victoriano Alcalde Azcune
  El escritor guipuzcoano Victoriano Alcalde Azcune ha sido el ganador de la novena edición del Premio Luis Adaro de Relato Corto por la obra "Trisite amanuense sin música". L'escritor guipuzcoanu yá recibió esti galardón va cuatro años gracies a la obra 'Nadia Comaneci y el lluchador de sumu', según ha informado el jurado. Esta será la segunda ocasión que el autor vasco reciba el galardón, después que ya resultase vencedor en el año 2011 con el título 'Nadia Comaneci y el lluchador de sumu'.
  El jurado de este premio, convocado por la Asociación de Escritores Noveles y fallado hoy en Gijón, ha destacado que el relato está ambientado en dos épocas distintas, la medieval y la actual, aunque comparte el escenario, la trama y los personajes. El fallo también subraya el «clima narrativo» en el que la obra sumerge al lector a través de una historia contada «de forma magistral».

  El galardón está dotado con 2.000 euros y la entrega será en Gijón el próximo 2 de octubre en una gala benéfica en la que se recaudarán fondos a favor de la Asociación Gijonesa de Caridad. Al premio, organizado por la Asociación de Escritores Noveles, han optado un total de 500 relatos.

  El pasado año el galardón recayó en la escritora segoviana Estefanía Bernabé Sánchez por su obra 'Lestrigones y cíclopes'.                                                                                Fonte: El Comercio.es
Categoríes: Canal Blogues

Dellos poemes más (9) (d'Ausiàs March)

Al alta la lleva - 1 Setiembre, 2015
[De la mio torna íntegra (inédita) de la poesía d'Ausiàs March]



VII.

«Afirmación d’entrega emocional a la dama, non ostante’l refugu qu’ella fixo del poeta y la falta de sensibilidá qu’amosó pa con él. El poeta atribúi’l so fracasu a la perversidá de los tiempos modernos, cuando yá nun s’aprecien los verdaderos amantes y yá naide nun sabe qué ye l’amor na so forma auténtica, la que ye patrimoniu namái de los «sutiles» como’l poeta mesmu (vs. 1-16). L’amor puru del poeta inspírase n’exemplu de los amantes del pasáu porque él sigue viviendo acordies col ideal d’otra dómina, yá remota (vs. 17-24 y 35-36). Los tiempos actuales fixenon imposible que la xentileza natural de la dama se realizara na práutica (vs. 25-32). Sirviéndose d’una comparanza bíblica, define la problemática moral que surde d’esta situación como la suxeición del xacíu a la voluntá (vs. 53-56). Na última estrofa insiste na so total dedicación al amor con una hipérbole impresionante, acabando na torna cola reafirmación del so propósitu d’enxamás dexar de querer una dama que sigue del too indiferente a los sos sentimientos» (Archer).


Como bayura nun lleva consigo
bienes, mas tanto val como'l so dueñu,
amor nun val mas tanto como'l qu'ama:
fuelle soplando órganu falsu finu
nun sona. Amor nun val si'l namoráu
tien falsedá nel so pechu enzarrada,
o con esposa tala elli s'axunta:
fatura ye llamáu'l so drechu nome.

Amor nun ye capaz a desiguar
lo que Dios fai, per aciu de natura,
qu'home fatu nun ye a ser finu amante,
ni'el sutil contradiz so cualidá.
Mal s'afita nel agua una figura:
muncho menos amor nel non dispuestu;
nin ye a tar nun llugar emprunu l'agua:
asina amor na tiesta'l llocu asitia.

Por bien amar con procuru angustiosu
en dómines pasaes los queríen.
Ovidio'l noble dixo qu'amor medra
por otru demostrando so fautura.
Veru fo'l so dichu y les sos prédiques
cuanto amor tevo al par de conocencia,
mas hai agora ente ellos malquerencia,
tala que nun han ser nunca yá amigos.

Si naciéremos nós colos antiguos,
cuando se conquistaba amor amando,
sin dala falcatrúa prauticar,
el vuesu corazón nun fora inicuu.
En vós conozo gran disposición
pa faer lo que manda xentileza,
mas natura crianza veo qu'engaña,
que con males vivir ye perdición.

Por mal agradecer o sazón mala
nun pue dexar el mio corazu amor.
Préstame recordar devotamente
los pasaos, a quien dea Dios perdón;
y darréu qu'esti mundu yo trespase,
estes lletres han dir so la mio tumba:
«Llena xacíu, nun vos enchipéis,
que por vós muerro y voi sin saber ú».

Envidia tala ye que tracamundia
a tolos que consigo la axunten:
l'envidiáu nin poco nin muncho preba
el mal tastu qu'escosa al envidiosu.
Talu ye amor, que yo qu'a min lu axunto
siento gran dolor, dame llocu impulsu,
y vós d'esto tenéis tal sentimientu
como hachu qu'ha fender bien de madera.

Como Adán sufrió mal pol vedáu gustu
cuando Eva-y amosó'l carreru malu,
diciendo «Adán, ¿comemos el bocáu
asemeyando a Dios, dafechu xustu?»,
pásame a min, que'l mio xuiciu creyó
la voluntá, fayéndo-y promisión
de que, sirviendo bien, llograra don
qu'enxamás otru talu conoció.

Cuido nun la perdí por mal serviciu,
que si por Dios sufriera los trabayos,
cuerpu gloriosu fora en reinu so;
y llorando, davezu quedo mudu.
Si esti tiempu me dieren pa entender
los secretos qu'enzarra la natura,
nada me fora escuro, de los fechos
divinos bona parte yo entendiera.

Torna

Llena xacíu,'l mio xuciu he gastar
amándovos, sin prestu consiguir,
y ha durar hasta que del ríu Segre
l'agua corriendo arriba sía a estendese.




IX.

«El poema desendolca un tema pertrabayáu na obra de March: la incapacidá del amante a declarar el so amor, incapacidá de la que l’amor mesmu ye la causa […]. La entrega del poeta al amor ye total, hasta’l puntu qu’arrenuncia a la razón, al xacíu, y al francu arbitriu (vs. 7-8). L’enzancu principal del poeta son los sos propios pensamientos (el pensamientu, l’imaxinar), que torguen que comunique a la dama los sos sentimientos; esto ye, el poeta convencióse de que la dama va refugalu cuando-y demande’l so amor. Afirma que, vistu esti fracasu, la única manera pela que podrá manifestar a la dama’l so amor ye la so muerte» (Archer).


Amor duelse si en breve yo nun muerro,
pues nu-y falto, por tar de min fartucu,
desque'l so mal inxeniu equí me traxo,
u me presta si en lloru m'abebento.
Del mio dañu conderga nun merezo
que forciáronme a entrar nesta prisión:
xuiciu teo presu, razón y arbitriu,
amor tienlos por so forciadamente.

Faigo cuanto me diz el pensamientu,
y si de Salomón tuviera'l xuiciu
fora tou pocu en dar ocasión
que nun temiera'l so gran mandamientu
(quien nun siente qué ye a facer l'amar
perdóno-y si de min se va burllando):
morrer per espadón bien quixo Píramo,
ya igual muerte Tisbe pasar quixo.

¿Quién ha ablucar -nun siendo'l que ye fatu-
por casu fuerte qu'ocurra n'amante?
Nun va pel riegu l'home fuera xuiciu:
confiésome tal; nun queráis reñeme.
Si en daqué fallo, tenga amor el cargu,
qu'arrampuñóme'l xuiciu y el saber,
y nada faigo escontra'l so querer;
el dolor-y agradezo,'l bien naguando.

Avergóñome, tando a parte y solu,
lo qu'habría facer imaxinando;
d'executalo nun tengo esperanza,
pues nun soi quien a dar el primer pasu.
L'imaxinar amor quier reprendeme,
que llargo con vergoña me refrena.
¿Cómo algamar con cara bien serena
el poder pa esparder la mio pallabra?

Los fechos d'amor nun soi a entender;
grandes contrastes tremen mio camientu.
Hora nun hai na que pena nun sienta:
pensando nesto llego a rindir l'alma.
Si otra vez el maxín ende me lleva,
por dar señal con que seya creyíu,
yo suplico a la muerte que m'ayude.
Si nun me val, la mio verdá xaz muerta.

Torna

Lliriu ente cardos, hasta ver la puerta
de mios deleites soberanos vini;
nun piqué nella, enantes torno mudu,
y pa tornar la vía atopo tuerta.



Categoríes: Canal Blogues

El silenciu los corderos

carlosXblanco - 1 Setiembre, 2015
Llegues a les ocho y pico a la Caxa d´Aforros. Hai yá una cola de la so madre. Entéreste ellí que nun abren hasta les nueve menos cuarto. La cola da vuelta a la esquina. Los vieyos desesperen. Nun s´aguanten de pie. Munchos veníamos col horariu d´un bancu normal: como mui sero, abriríen a les 8,30. Pues non. Esto ye una “entidá asturiana”. El casu ye que los emplegaos, malencaraos, nun entamen a llegar hasta les nueve pasaes. Abren el cortinón metálicu y vuelven a cerralu. De les ventanielles, namás qu´abren una. Depués dexen pasar a la fila “clientes”, la mayoría vieyinos. Vamos toos ente gordones, faciendo un ziszás, como´l ganáu. “Y llueu dicen qu´hai paru”. La fila nun entama a correr. “Agora a ver si a los ordenadores-yos da por querer apienzar”. “Pues non, nun quieren”. Y el simbolín del asturcón descoyonándose de toos nós. Yera la franxa precisa pa pagar la Comunidá. De 8:45 a 10:30. Unos cuntaos díes del mes, de tal día a tal otru, ensin non, xódeste; díes encarnaos nun restrinxíu y más que llimitáu momentu de la mañana. Nun pues aportar a la Caxa cuando te dea pola gana a pagar, non. Qué te pensarás que yes ¿el príncipe d´España? Tu ties que venir a tal hora y tales díes y si non, domicilia, abre una Llibreta na Caxa d´Aforros. O soportar coles, o ser cliente. O si non, a pagar tresferencia. Chachu: los probes tamos pa eso. Pensionistes, paraos y refugaya, a facer cola. Y nun molestes a los Sres. Emplegaos, que si faes preguntes sobre horariu, calendariu y condiciones pa meter perres na Caxa y da-yos de comer, mírente con cara de dicer: “Tu yes tontu, paisanu ¿nun sabrás lleer los cartelos?”. Y la cosa ye que n´habiendu cartelín, yá ta too fecho. Yá son Órdenes Supremes. A facer cola, xubilaos, pensionistes, paraos, rentes baxes, pagadores de la Comunidá de Vecinos que nun somos clientes y nun queremos selo. Ye que lo queremos too. 
Categoríes: Canal Blogues

Iniciativa entama una campaña pal usu de la llingua nos Centros Asturianos

Tierra alantre, la mesma fala - 1 Setiembre, 2015

La vocalía d’Asturies Esterior d’Iniciativa pol Asturianu vieno acabante entamar una campaña cola que quier empobinar a los Centros Asturianos la necesidá de que nes celebraciones del Día d’Asturies la llingua asturiana tenga una presencia nomada, como correspuende a cualaquier celebración que tenga a Asturies y la so cultura como motivu.

Iniciativa pol Asturianu va facer llegar a tolos centros asturianos material publicitariu como cartelos onde se fai alcordanza de la necesidá d’usar llingua y precisamente “porque ye un patrimoniu de nós, nel Centru ASTURIANU, usa la llingua d’ASTURIES, nel Día d’ASTURIES (y siempre…)”.

(d’Asturnews, 01-09-2015)


Categoríes: Canal Blogues

Iniciativa entama una campaña pal usu de la llingua nos Centros Asturianos

Falar y lleer - 1 Setiembre, 2015

Iniciativa entama una campaña pal usu de la llingua nos Centros Asturianos
La vocalía d’Asturies Esterior d’Iniciativa pol Asturianu vieno acabante entamar una campaña cola que quier empobinar a los Centros Asturianos la necesidá de que nes celebraciones del Día d’Asturies la llingua asturiana tenga una presencia nomada, como correspuende a cualaquier celebración que tenga a Asturies y la so cultura como motivu.Iniciativa pol Asturianu va facer llegar a tolos centros asturianos material publicitariu como cartelos onde se fai alcordanza de la necesidá d’usar llingua y precisamente “porque ye un patrimoniu de nós, nel Centru ASTURIANU, usa la llingua d’ASTURIES, nel Día d’ASTURIES (y siempre…)”. Fonte: Asturnews
Categoríes: Canal Blogues

La Xunta Xeneral crea una comisión de proteición del asturianu

Falar y lleer - 31 Agostu, 2015

Propuesta d'IX cola oposición del PP y Ciudadanos.La Xunta de Voceros de la Xunta Xeneral aprobó esta mañana la creación d'una comisión de proteición de la llingua asturiana y el gallego-asturiano a propuesta d'Izquierda Xunida.La iniciativa contó col sofitu de la FSA-PSOE, dientro del alcuerdu d'apoyu a Javier Fernández na investidura algamáu cola coalición, asina como de Podemos y Foro. Tanto PP como Ciudadanos amosaron la so disconformidá cola midida al nun considerala prioritaria.Tovía nun se conocen los detalles d'esta comisión, anque dende IX apunten que busca la promoción del idioma como respuesta a la falta d'oficialidáPodemos, pese al so sofitu a la mesma, apuntó qu'ésta ye insuficiente y recordó lanecesidá de reformar l'Estatutu pa incluyir la equiparación de los derechos de los falantes d'asturianu col de restu de ciudadanos.L'oxetivu d'IX ye qu'esta comisión pueda rematar los sos trabayos y conclusiones, y ufiertar distintes alternatives sobre'l réxime de protección y promoción del asturianu, nun plazu de seis meses dende la so constitución.Entiende'l grupu d'IX que depués de más de 30 años d'autonomía, llegó'l momentu de que Asturies tenga un futuru cultural como sociedá articulada, non escluyente y con futuru, asumiendo programáticamente la necesidá d'un gran consensu políticu y social sobre les midíes necesaries pa la normalización sociolinguistica de la llingua, el so nivel de protección, el  so impulsu y la so definitiva aceptación social.Esi consensu debe modulase, según IX,  dende la más amplia participación social y ciudadana y esi ye l'oxetivu d'esta comisión non llexislativa.                    Fonte: asturies.com
Categoríes: Canal Blogues

Gaspar y la señaldá

Escureceres - 31 Agostu, 2015

La Nueva España, 29/08/15

«La nostalgia de lo que pudo haber sido y no fue no sirve para nada», argumenta Gaspar Llamazares pa contestar a les acusaciones de los de Podemos, que tovía nun escaecieron (nin lo van facer) l’acuerdu d’investidura IU / PSOE. En realidá, y por definición, nun se puede tener «nostalgia», señaldá, de lo que nunca fue, pero entendémonos: Llamazares refierse a aquello de que «agua pasada no mueve molino». L’argumentu abúltanos peligrosu, traicioneru. Disculpa cualquier cosa: dende les infidelidaes matrimoniales al golpe d’Estáu de Franco. Lo mesmo podíen decir tamién, por poner un casu, los que s’oponen a abrir les foses del franquismu: «La nostalgia… no sirve para nada.»

De Balzac p’aquí, la señaldá tien mala prensa. Envídiase l’amor arrebatáu, entiéndense secretamente l’odiu y el rencor, empondérase la llealtá, admírase’l valor y discúlpase la cobardía, pero la señaldá ye’l más despreciáu de los sentimientos, una etiqueta qu’estampamos en frente ayena con ánimu denigratoriu. Consideramos al señaldosu un floxu que pierde’l tiempu ente suspiros improductivos y enllamorgaos: «No sirve para nada.» Pero, de tolos sentimientos humanos, la señaldá ye’l más vinculáu a l’alcordanza, que siempre ye una reivindicación cuando se xuega la prórroga nos grandes partíos de la Historia. Chateaubriand llevantó un monumentu inmortal a la señaldá nes sos «Mémoires d’outre-tombe», pero, ¿quién llee hoi a Chateaubriand?

llamazares y chateabriandQue Llamazares nun ye partidariu de la señaldá salta a la vista, basta comparar el retratu que publicó La Nueva España’l xueves 27, acompañando’l so avisu a Podemos Asturies, con cualquiera de los del vizconde de Chateaubriand. En toos, «monsieur le vicomte», la fina boca clausurada, llanza una mirada elegante, melancólica, romántica, intelixente, perspicaz… señaldosa, a una distancia infinita que sabemos que ye más temporal qu’espacial; Gaspar Llamazares, la mandíbula desencaxada, enseña dientes amenazadores, apretaos con rabia carnívora, y unos güeyos irascibles desorbitaos, cegaos nel presente miope. Perdóneme usté, don Gaspar, pero ye la cara del que t’ofrez una pinfla d’hosties.

En pasando les eleciones xenerales, cuando nun fai falta guardar les apariencies, ye de suponer que’l gobiernu socialista asturianu, si se ve apuráu pa sacar alantre unos presupuestos o echar p’atrás una llei, arregle acuerdos discretos col PP, siempre en beneficiu de la gobernabilidá y de tolos asturianos, claro que sí. ¿Por qué nun lo diba facer, si ya-y salió bien otres veces? Velo venir hasta’l más tontu. Llegáu esi momentu, cuando Gaspar Llamazares, ígneu, enrabietáu, suba a la tribuna a echa-y en cara a Javier Fernández l’establecimientu de pactos foínos cola derecha o l’inclumplimientu de los acuerdos que-y dieron el cargu, taba bien que’l presidente-y contestare con una media sonrisa melancólica, a lo Chateaubriand, y una escueta cita: «La nostalgia de lo que pudo haber sido y no fue no sirve para nada.»


Categoríes: Canal Blogues

Varia asturlleonesa

Tierra alantre, la mesma fala - 31 Agostu, 2015

Varios autores
ISBN: 978-84-8053-773-5
15,5 x 21,5 cm || 400 páxs. || PVP: 25 €

El Seminariu de Filoloxía Asturiana de la Universidá d’Uviéu decidió publicar de manera separada, en formatu llibru, los artículos incluyíos nel volume 14 de la Revista de Filoloxía Asturiana escritos n’homenaxe al profesor José A. Martínez a pocos meses de la so xubilación académica. El resultáu ye esti llibru, Varia asturlleonesa, n’edición de Ramón d’Andrés, Taresa Lorences y Juan Carlos Villaverde Amieva.

(d’Ediciones Trabe, 24-08-2015)


Categoríes: Canal Blogues

Dia d'Asturies

El Regatu - 31 Agostu, 2015

Categoríes: Canal Blogues

Xixón enfermu: zoofilia, coprofilia, perrumanía.

carlosXblanco - 31 Agostu, 2015
La zoofilia de los xixoniegos yá nun tien nome. Primero, los perros. Depués, per detrás, la hixiene, el bon golor, la seguridá, la tranquilidá y la bona imaxe. Pero primero, los perros.

Hai un parque preciosu xunto a casa: Los Pericones. Nos entamos d´esi parque, inmensu, inmensu, había un prau pergrande acutao pa perros y amos/esclavos de perros. Pos bien, agora los perros y los sos amos/esclavos son los dueños y señores del parque enteru. Si tas con neños pequenos, vienen los parásitos de la civilización a lladralos, a mordelos o, polo menos, a axorizalos. Si yes adultu, los chuchos sáltente a la chepa, llámbente les piernes, amuésente´l dentame. Si te tires en prau, y bien que me prestaba tirame en prau, acabes amarronáu. Cagaes y más cagaes en Parque y nos barrios de la redolada: El Coto, El Llano... Fales colos vecinos non zoófilos y cuéntente lo mesmo. Fartura de llimpiar con lexía les mexaes del portal. Nel coche, o a la puerte la tienda. Fartura de llegar a casa cola suela los playeros untá con cagayones. Teo pa min que más qu´amantes de los perros hai una bona parte de xixoneses que son amantes de la gochería, coprófilos y pisamierdes. Teo pa min que nun sé pa qué ta la policia que nun abrasa a los amos/esclavos de los perros a multes y a llimpieces forzaes. Teo pa min que´l “Paraísu Natural” ye namái que paraísu pa los gochos bípedos. Debería facese un censu municipal de población perruna y cargar con fuertes impuestos toa esa porcancia. Yá sé qu´hai amos/esclavos de perros mui civilizaos que recueyen les morcielles del parásitu propiu, pero yá son más los que nun lo faen y, amigu, l´escesu de población perruna hai que lo controlar. Nun ye aceutable que los perros ataquen a los guajes o qu´entren a mexar n´arena de xuegu infantil. Ye delitu dexar qu´unos perrones del tamañu d´un burru se tiren a la llarga encima la mesa´l merenderu onde los humanos d´otra época avezábamos meriendar. Nun quiero pisar de contino la mierda de cuadrúpedos y sofrir la maleducancia de bípedos.
Escenina típica depués d´un ataque perrunu en Los Pericones:
-¡Oiga ho, nun dexe´l perru sueltu perequí!-¡Son peores les persones que los animales!-Falando de persones como usté, sí.-¡Intolerante!-¡Pero si acaba de llevase per delantre la oreya del guaje!-Intolerante. Cuando más conozo al home más prefiero a los animales.


El surrealismu llámase Xixón. Y agora van poner (o quieren poner) una playa pa perros. Una sociedá enferma, con inviernu demográficu (vaya, que nun fabricamos bebés), hedonista, neurótica, solitaria, trainos esto: crecimientu mostrosu de la población perruna. La fin.
Categoríes: Canal Blogues

Pumares

El blog de Xuan Xosé - 31 Agostu, 2015
El 15/08/15.


Categoríes: Canal Blogues

La Xunta aprueba una Comisión especial pa la promoción de la llingua asturiana

Tierra alantre, la mesma fala - 31 Agostu, 2015

La Xunta de Voceros aprobó esti llunes, a propuesta d’IX, la creación d’una Comisión especial pa la normalización, protección y promoción de la llingua asturiana. La comisión foi sofitada por PSOE, Podemos y Foru amás del grupu proponente d’IX.

Según esplicó la diputada d’IX, Concha Masa, en declaraciones a los medios, esta comisión sedría complementaria al nuevu organigrama de la conseyería al traviés del cual quier sofitase la llingua asturiana.

“Sedría complementaria y yá que la cooficialidá nun paez que tea nel programa d’esta Llexislatura como sedría’l deséu d’IX, polo menos qu’en toles facetes posibles se trabaye sobre la protección y promoción de la llingua asturiana”, dixo Masa.

Dende Podemos diose’l sofitu a esta comisión, anque según destacó la so diputada, Lucía Montejo, “ye insuficiente y respuende a un pactu de PSOE y IX de llavadura de cara”.

Asina Podemos pidió “dir más allá nesti asuntu” y propunxo desenvolver la Llei aprobada y abrir un procesu de reforma del estatutu que dexe garantizar los derechos en materia llingüística n’Asturies pa toles persones”.

Oposición de PP y C’s

Tanto’l Grupu parlamentariu del PP como’l de Ciudadanos votaron en contra de crear esa comisión. Dende’l PP, el voceru Agustín Cuervas Mons destacó que nun ye qu’el so grupu nun considere importante esti asuntu, sinón que “envalora que nun ye una prioridá nesti momentu nes esmoliciones de los asturianos”.

Amás dende’l PP consideren qu’hai otros mecanismos como’l desenvolvimientu de la llei qu’esiste al respective en llugar de cargar el parlamentu de comisiones especiales.

Similar foi l’argumentu del voceru de Ciudadanos, Nicanor García, qu’indicó que’l so grupu votó en contra de la constitución de la comisión al considerar qu’esi asuntu “nun ye de nenguna prioridá”.

“Tamos a favor de les midíes que favorezan l’usu y la promoción del bable y el patrimoniu cultural asturianu pero paeznos que poner la comisión específica ye da-y rangu de primer nivel a una cuestión que pa nós nestos momentos nun ye prioritaria”, dixo García.

(d’Europa Press, 31-08-2015)


Categoríes: Canal Blogues

aSTUR

El Regatu - 31 Agostu, 2015

Categoríes: Canal Blogues

Sayambre acoyó la V Xornada de Patrimoniu Llingüísticu

Falar y lleer - 31 Agostu, 2015
Cartelu de la V Xornada n'Oseya de Sayambre
   El Teixu, Rede pal Estudiu y Defensa de la Llingua Asturllionesa celebrí esti sábadu 29 d’agostu, cola colaboración del Ayuntamiento de Oseja de Sajambre, una nueva edición de la Xornada de Patrimoniu Llingüísticu y Cultural, qu’esti añu tuvo llugar n’Oseya.  A lo llargo de la Xornada, pela escuela de la capital sayambriega pasaron Xosé Antón Fernández “Ambás”, Ramsés Ilesies, Ramón Sordo Sotres, Javier Valentín Rodríguez Bulnes, Gonzalo Barrena, Elena E. Rodríguez Díaz y Fran Allegre, que participaron nun programa qu’incluyía conferencias, presentaciones de llibros, un conciertu y un recital poético-musical.
  La xornada entamaba con un conciertu de Xosé Antón Fernández “Ambás” y Ramsés Ilesies onde recoyíen música tradicional sayambriega, con pieces musicales recoyíes pelos distintos llugares del conceyu. Y pela tarde tuvo llugar la conferencia Enteradores de Sayambre, Valdión y otros conceyos, na que l’escritor Ramón Sordo Sotres averose a la figura d’Ismael Redondo, vecín del pueblu de Pio y autor d’un textu escritu en sayambriegu, amás d’otros informantes llingüísticos de la zona. N’acabando, Javier Valentín Rodríguez Bulnes presentarba so llibru El habla de Maraña, nel que recueye las características de la llengua d’esti conceyu de la montaña oriental llionesa.  Una conferencia sobre los nombres de los sitios sayambriegos de Gonzalo Barrena, perconocedor de la toponimia de los Picos d’Europa y otra de la profesora de la Universidá de Güelva Elena E. Rodríguez Díaz, presentando so llibru Notas y cuadernos de notas de los Piñán, escribanos públicos de Sayambre (1659-1721), un estudiu exhaustivu de los fondos d’esti arquivu sayambriegu, completaben el programa,
La xornada pesllabala l’escritor y músicu Fran Allegre, qu’ufrió un recital poéticu-musical con textos del so llibru Deixando’l cuerpu, acabante publicar.  Les Xornaes de Patrimoniu Llingüísticu y Cultural, organizaes alternativamente por El Teixu y l’asociación Faceira, celébrense anualmente en distintos llugares de la provincia de Llión y pretenden destacar el valor incalculable de las variedades del asturllionés que sobreviven nestas zonas. Dimpués de ḥacese n’Estorga, Llión, Viḷḷablinu y Villamejil, El Teixu quixo arimase a una de las variedades más olvidaes del asturianu, la oriental, celebrando esta quinta edición nel únicu conceyu qu’entavía la conserva en Llión. Fonte: asturnews.com
Categoríes: Canal Blogues

Así habló Palacios

Tierra alantre, la mesma fala - 31 Agostu, 2015

A. B.

Las fiestas patronales de los pueblos no solo son días de jarana y diversión, sino también una oportunidad para promocionar las tradiciones locales y crear sentimiento de comunidad. La Asociación Cultural Mázares, de Palacios del Pan, ha organizado con motivo de los días grandes de la localidad una conferencia sobre el lenguaje tradicional del municipio, por la que se interesaron varias decenas de vecinos.

La charla fue impartida por los estudiosos del habla regional Carlos Coca Durán y Pedro Gómez Turiel. El filólogo Carlos Coca ganó el último Concurso de Vocabularios Tradicionales de la provincia de Zamora con un diccionario de vocablos de Palacios del Pan. Durante su exposición, el lingüista destacó diferentes términos en uso propios del pueblo y las costumbres comunales, según indican los organizadores.

Vestigios del leonés

Pedro Gómez, por su parte, habló de la importancia de conservar el léxico tradicional zamorano en las distintas formas. Este biólogo miembro de la Asociación Cultural “Furmientu” puso especial énfasis en las construcciones léxicas derivadas del antiguo dialecto leonés, hablado hasta hace unas décadas en las comarcas del occidente de la provincia, cercanas geográficamente a Palacios del Pan. Términos utilizados aún en agricultura, ganadería y la botánica fueron citados durante su intervención en la conferencia. Asimismo, Gómez ha investigado la toponimia local e hizo un breve comentario sobre la misma.

El público de Palacios del Pan mostró un gran interés en estos temas durante el extenso turno de preguntas al final de la charla.

Gómez y Coca ya impartieron a su vez otra conferencia la pasada semana en Molacillos sobre “El paisaje, las costumbres y la ruralidad”.

(de La Opinión de Zamora, 26-08-2015)


Categoríes: Canal Blogues

¿Qué faes tu pol asturianu?

Falar y lleer - 31 Agostu, 2015

Dende Iniciativa pol Asturianu trabayamos pa que la llingua asturiana, como elementu cultural ya identitariu en peligru, sobreviva, y pa que los falantes d’esti idioma, como comunidá que nun ve reconocíos los sos drechos al completu, tengan cada vegada una meyor situación, hasta algamar la plena igualdá de drechos llingüísticos, hasta que podamos vivir n’asturianu.
El trabayu reivindicativu ye imprescindible p’algamar estos oxetivos, pero nada tien más fuercia que l’usu y la visibilidá del idioma nel día a día de la sociedá asturiana. Asina, los falantes conscientes, como persones que sabemos que falamos una llingua en peligru, pero una llingua que nun ye inferior al restu de llingües del mundu, tenemos de ser exemplu p’aquellos falantes inconscientes que más carecen la situación del idioma, el complexu d’inferioridá, les situaciones de minorización, etc.
La llealtá llingüística pa col asturianu, esto ye, nun abandonar el so usu en nengún contestu, ye imprescindible pa la supervivencia y la meyora del prestixu al idioma. Hai qu’usar l’asturianu en tolos ámbitos, ensin prexuicios nin mieu. Tolos asturianos y asturianes son falantes pasivos y atalanten ensin mayor problema l’asturianu. Les conversaciones billingües, aquelles nes que caún de los interlocutores fala una llingua distinta, son normales y normalicen la presencia del asturianu nes vides de los que la falen y nes de los que la sienten, que s’avecen a tenela presente y deprenden más.
Les persones que tienen la posibilidá d’apaecer en medios de comunicación, n’actos públicos y en xeneral, falando énte otres persones, son especialmente responsables de que l’asturianu seya una llingua presente na sociedá y nos espacios de prestixu. Nun abandonemos l’usu del asturianu nestos espacios, usemos la llingua asturiana na nuesa actividá llaboral y empresarial, convenzamos a los más cercanos de facer usu del idioma, de deprendelu si ye’l casu, meyoremos el nuesu conocimientu d’asturianu cada día y faigamos ver a les persones que mos arrodien que somos falantes d’una llingua viva y normal, qu’usamos en toles situaciones y que nun tamos dispuestos a vela morrer. Venimos diciéndolo dende la nuesa fundación como organización y vamos siguir diciéndolo una y milenta vegaes: toma la iniciativa pol asturianu.
Fonte: Iniciativa pol Asturianu
Categoríes: Canal Blogues

Un despreciu añadíu

Trabayu de Campu - 30 Agostu, 2015

AVILESNun conocía’l contestu nel qu’una señora conceyala de cultura (!) n’Avilés faló d’esi famosu “apartheid” en favor de los qu’escribimos n’asturianu. Yá la cosa de por sí préstase muncho a la coña, porque ye como eso de que los páxaros disparen a les escopetes: el mundu al revés. Unes persones, ente les que me cuento, dafechamente marxinaos de los circuitos normales del restu del Estáu, al puntu de que, por nun ser oficial la nuestra llingua, nun podremos nunca algamar, por exemplu, el Premiu Nacional de Lliteratura, al que si acceden -y ganen- escritores n’otres llingües. Por citar un solu casu de despreciu. Pero ye que, amás, la entruga y el comentariu de Xune Elipe fue de lo más correuto. Quería saber por qué, unes entidaes que trabayen nuna población asturiana y que cuenten con subvenciones oficiales, nunca nun llamen a participar a escritores en llingua asturiana habiendo, como hai, dalgunos que tienen méritos sobraos pa ello. El citame a min, en concreto, nun facía falta porque, de xuro, habrálos con más merecimientos, anque-y agradezo’l detalle.

La rempuesta de la señora conceyala de cultura (!) nun tien per ónde la garrar y abúltame que debiere presentar la dimisión d’un cargu que s’executa n’Asturies y non en Torrelodones o Aldeadávila de la Ribera. En cualquier casu hai una derivación del tema que, polo menos yo, nun toi dispuestu a aceptar. Y ye que se nos meta a los escritores n’asturianu como una minoría a la qu’hai que discriminar positivamente. Como si fuéremos un coleutivu marxinal como les muyeres maltrataes o les persones con dificultaes de movilidá. Niégome a ello, prefiero nun intervenir, pero nun quiero ser un númberu paritariu, una cuota de xéneru o como quiera que se llame eso de que te metan nuna llista por ser dalgo: muyer, minusválidu, inmigrante o minoría étnica. Si me llamen de dalgún llau que seya polos mios merecimientos propios, non por ser d’un coleutivu marxinal, anque de fechu lo seya. Pero, d’igual mou, tampoco nun quiero que se me marxine más de lo que yá toi, por pertenecer a esi mesmu coleutivu, que ye lo que ta pasando agora, onde cualquier pelamangos que vien de fuera tien más predicamentu que munchos espléndidos escritores que tenemos ente nos. Y ye que nun hai que lleer a Xovellanos pa saber que munchos asturianos, ente ellos dalgunes conceyales de cultura (!) son estranxeros nel so propiu país.

Categoríes: Canal Blogues, Recomendaos

El escudo de Tsipras

La radio interior - 30 Agostu, 2015

Nuevo artículo en Asturias24 pinchando aquí.


Categoríes: Canal Blogues

Mata de lloreos

El blog de Xuan Xosé - 30 Agostu, 2015
(O viescu). Los Pericones, el 24/08/15.



Categoríes: Canal Blogues

Güei, en LA NUEVA ESPAÑA: "LAS LECHES DE EUROPA"

El blog de Xuan Xosé - 30 Agostu, 2015
(Trescribo, como davezu, los primeros párrafos)Las leches de EuropaLa situación de los ganaderos como ejemplo de los errores de la UE30.08.2015 | 03:41
Las leches de EuropaXuan Xosé Sánchez Vicente El lector menos avisado tiene, sin duda, noticia de que en la UE hay montado un lío de la leche con la leche. No es ya que el ganadero gane menos con el producto de su trabajo, sino que su valor ha caído tanto que muchos de ellos producen con pérdidas. Ha influido en ello la supresión de las cuotas lácteas (tan denostadas, por cierto, cuando se impusieron), pero también las condiciones de demanda y producción del mercado mundial.El industrial e intelectual don Francisco Rodríguez (por cierto, un europeísta convencido, aunque muy crítico con el proceso de construcción europea y muchas de las decisiones de sus organismos) precisaba en estas páginas de LA NUEVA ESPAÑA algunos de esos factores: la aparición de grandes factorías lecheras sin base territorial en EE.UU. ("fábricas de leche", las denomina) que producen en cantidades industriales; los intereses de los productores de soja y maíz, frente a quienes alimentan sus vacas con hierba ("lo que está en juego son los granos frente a los prados" acuñaba); el descenso de consumo en China. Y apuntaba las consecuencias para la industria y la ganadería ("si desaparecen los ganaderos, detrás desaparezco yo") si no se toman "medidas de carácter político" y se vuelve a una nueva contingentación que tenga en cuenta las necesidades de Europa y sus Estados.Y, en el fondo de este problema y agravándolo, un error de cálculo de las autoridades europeas y una falta de previsión por parte de las mismas: el comisario del ramo, impulsor de la liberalización, calculó que no habría alteraciones en el precio de la leche, más aún, que la demanda iba a aumentar.
Categoríes: Canal Blogues

Pages