La Selmana de les Lletres Asturianes

La Selmana de les Lletres Asturianes vien celebrándose dende 1980 na primer selmana del mes de mayu. Y anque nos primeros nueve años taba dedicada a un autor o autora importante de la lliteratura asturiana, nos últimos años rompióse con esta tradición pasando a dedicala a los diferentes xéneros lliterarios.

Na Selmana de les Lletres les instituciones de diferentes conceyos d’Asturies implíquense na defensa del asturianu, celebrándose recitales de poesía, teatru, actuaciones musicales, repartu de llibros o DVDs de baldre.

Celébrase tamién n'Uviéu la Feria del Llibru que va dende'l Día del llibru al Día de les Lletres, día nel que los llibreros faen un 10% de descuentu nos llibros n'asturianu. Nel día de les Lletres, l'Academia de la Llingua Asturiana, depués del discursu nel que comenta la situación xeneral de la llingua, procede al nomamientu de los nuevos académicos.

Nes escueles, los profesores de Llingua asturiana acostumen a adautar les sos clases al autor al que tea dedicada la selmana (o a la manifestación lliteraria nel so casu) y participen nos concursos qu'organiza la Conseyería d'Educación. Equí tenéis dellos trabayos de los escolinos y escolines de los colexos San Pedro de los Arcos y Baudilio Arce que lleven una esbilla d'años ganando dalgunos d'esos premios.